ADVERTISEMENT

This area is available for advertisement. Please contact for details.

Arnivang
Get Adobe Flash player

Lok Sabha kilik: 900 million voter aphan million isi polling station kapathik

Diphu Lok Sabha anghoi: PS 1174 along bang 795085 voters atum vote jokpo

Staff Reporter
Guwahati, Jangmi 8:
Pirthe adangpi angbong democratic kethenei non laso adet pen kevangji Jangmi 11 pen Aru 19 arni an kado kave a kilik pathik lo. 17 angdeng Lok Sabha kilik kapachunji aphan pangrumpet phase troksi an pasek lo. Kevangji Aru 23 arnisi vote kejok angtar angthek paklang po.
Kechengsi a phase kilik kapathik vote kejokji arni nini vet lo, kaprek kaprek ratchari atum kilik apong-ut kibut dode sangse lo. Ratchari pen kachetoi dun abangphu pen danglok songve pen karjap dun atumta kachepahaiji aphan vote kerek kachiting kesang apor chelongle asonsi theklong.
Pining a Lok Sabha kilik along 900 million amuluk angbong 432 million amuluk ke so-arlo aphai lo. Pinpurme, Europe lapen Brazil adet pangrompet pen amuluk aphai isivet lo.
Lason thak thaksi Karbi Anglong pen Dima Hasao alongri kapangrom non kevangji Jangmi 18 arni vote kejokji 2019 lok sabha kilik along 16 Haflong (ST) angkang kado kave polling station 242 along pinsomar voter bang 69,343 lapen arlosomar 67,974  kado kave pangrumpet 1,37,317 voter atum vote jokpo. No. 17 Bokajan (ST) angkang kado kave 212 polling station along pinsomar a voter bang 72,480 lapen arlosomar a voter 68,680 kado kave pangrumpet 1,41,160 an voter do. No. 18 Howraghat (ST) angkang kado kave 166 polling station along pinsomar a voter bang 63,822 lapen arlosomar 62,905 kado kave pangrumpet bang 1,26,727 voter atum vote jokpo. No. 19 Diphu (ST) along polling station 258 along pinsomar voter bang 95,973 lapen arlsomar vote bang 93,475 anparta lopunghop (Hijira) a voter bang 6 kado kave bang 1,89,454 atumsi vote jokpo. No 20 Baithalangso (ST) along kado kave polling station 296 along pinsomar a voter 1,02,910 lapen arlosomar a voter bang 97,517 kado kave pangrumpet 2,00,427 atum Baithalangso constituency along vote jokpo.
Laso ateng No. 3 Autonomous District (ST) Parliamentary Constituency along polling station 1174 along pinsomar 4,04,528 lapen arlosomar 3,90,551 anparta lopunghop a voter bang 6 kado kave pangrumpet bang voter 7,95,085 atum pining 2019 lok sabha kilik along vote dun po.
Non akimi atum kejok dunji ningkan 18 pen 19 arta a voter aphai pangrumpet 15 million voter aphai do.
Det adangpi kaprek kaprek adim along Election Commission of India (ECI) pen 1 million polling station pathik lo, kedamtang kilik pen phant kep bat lo.
Laso kilik along kilik kapachunji aphan det adangpi pen phase troksi an kilik pathik lo.
Lok Sabha anghoi kado kave 545 angbong inghoi hini ke Anglo-Indian akhei aphansi kapathik. Laso abangphu kepon ke India a president pensi ingvai po.
Kejok aphai kapa-ong pen phurkimo kapamanji aphan ningchethe, laso aningkan non kithurmi ove atum laso kilik along hong nang chonsi vote kejok dunji aphan Prime Minister Narendra Modi choningri.
ECI pen kechengsi aphong lo Voter-Verifiable Paper Audit Trail (VVPAT) system kapathik, nangli komat abangphu aphansi kejok lapen song arjan bangso a slip along nang cheklang po.
Election Commission pen 26 lakh bottle a ink kapathik along Sika 33 crore atangka padam lo. Isi abong along 10 millilitres a ink do.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives