ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong pachingthur aphan ening kachelar apor nang kele lo

Karbi Anglong ke paphi-o lang, pachingthur nangji, pachingthur amo klem nangji, pachingthur aphan klembom lo, pachingthur aphan lason klem nangji-lapu klem nangji pu heihui kaningje atum dopik lapen keklem atum ta dopik lo seta laso keklem along ajahak ning kachethap nangji kethetan ason penang an do lang. Neli kamathadam ateng ke kechengsi ili kamatha (Mindset) chelar nangji lang. Kamatha kachelar aprang methang aphan kache-o pen keklemsip (sacrifice and dedication) abang akenangsot. Laso aphi Council aphan kachoton lapen angkangpi arat akamatha kapachelar hen lo akethenai lo. Athe ladak ke arat atum ke kechengsi methang aphan dorchit anvet, beha-bepar aphan kali asai chotiki pen bikok ke phant pahoro isi ateng amat ta Council aphan kachoton. Laso kachoton ta kachoton atum ta adai ave athe ke latum aphan tangka kapavangji atovar; pulonang, beha apharman han chotiki pen danglok ason-ason kasemar akorkhana (Industry) heihui longri kachari atum kithikpi avedet apot lo. Athe lahai jongsi ave pulote monit atum konatsi kachongdat jilang? Lasonsi ason-ason abeha le choklemji ninghang atum seta tovar kememe pen danglok meh (Electricity) kave lapen kejor lapen akevai (Raw materials) kenam damji athai kachinine. Lahai along kapangchodun (Processing & developing) kethekthe ta eson lo. Lahai ke pudamlo pulote bepar akun (Knowledge) kave apot. Lasi lahai akun kipiji aphan krung-chingsai, saikulatm, mai heihui bivek nangji. Laso aphi rat atum tot lun akejoi pen lapen bang along kehang thap abang non amat ington unvek nangji. Laso along ta monit atum ko an ma kelong laso ateng pen kecho aphan, kabirti aphan lapen aso kapavangji aphan kapangni heihui aphan kamatha ave. Laso along kethenai kachelar akenangsot lo. Lahai pangrumpet pen rat anatthu pen non kethetan ksiksaknai ke tangka kehangthap atum pen hen lo. Lahai atum ke risim kangtang ke ot atum amen pensi kaike ta kehang-hang lapen latum ke tong thekpikji athe jongsi latum tongte pulote kacheklang ak pen kachenep chekji aphan thetan kahangjang. Laso aphi song ke-ong pen ta isi lo athe lahai asong atum ta kachikilok ke kado kave pangrumpet kesok abi ke elongvet. Tangte kosonsi pensi kachingthur amo keklem thekpo? Jongsi kipi nangji adim jongsi do-o pulote kosonsi govt. pen nang kapale kachingthur amo (development) keklem thek po? Lahai ke pulo nang contract pen supply along lapen govt. pen rat aphan varsai keron ahormu along. Kipi nangji adim jongsi do-o pulote sai keklem ta meme lo, lasonsi rat ta ale abang ke longle lo. Contact along puseta klem pameme lo lapen hala hormu heihui ta a quality ke ave lo. Lahai along angkangpi arat pen amatsi ning chelar dun nangji athe asongtin ta halaso amonit ke lapu an a amount si kelong ke, lapu an vet ta nang pi un eh ma puji seta hala kelong abang ke grant in aid le kelong kali lapen ale ko ansi doji lapen ko an asong aphan lone kapangri nang, halaheihui alam abang ke mathadam vangve. Lahai ajoine pen ta isi kethetan kachingthur amo katikuk-i athe lo. Karbi Anglong ke lapuson amonit ta do, neke song (Party/Association) pen loksi kereng-i apot neke song abang ke che-o un eh pu. Lasi ajahak asong ke amonit le ave puseta asong abang ke pathithe lapen la song amonit angbong jongsi kachetonte lo pulote puthot akaprek asong seng po titi. La an pen kechengsi aning kachelar nangji ke ratchari asongjapo atum hen lo. Latum corruption ajoine lo. Kaike amethang amethang aphan kachematha; lahai atum ke percentage, high command, song lapen amethang ahem asor aphansi mathadam chot seta govt. atangka kosonsi kapadam pame pen rat atum ale kelongji ma ke mathadamde. Lahai atum policy pu ave lapen rat angno kaningje le akaprek, kamatha le akaprek lapen keklem le akaprek. Lasi Karbi Anglong pachingthur aphan ke kechengsi lahai chelardet nangjilang.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives