ADVERTISEMENT

This area is available for advertisement. Please contact for details.

Arnivang
Get Adobe Flash player

2025 aningkan angbong detpi along TB akeso kapavirji aphan sai kedeng

Staff Reporter
Diphu, Thekar, There 22:
District Health Society (DHS), RNTCP atum patirpisi pini Diphu Civil Hospital along kedo District Tuberculosis Centre along World TB Day talon dun.
Mai chengche aprang Joint Director of Health Services Dr. Kareng Rongpipi jasi ANM, GNM lapen medical staff atum armu kachejeng asai dengsi Gandhi Park an chejeng dam.
Joint Director of Health Services Dr. Kareng Rongpipi kachepahemphi amai along District PMDT Co-ordinator Niju Bhuyan, PPM Croswel killing lapen kaprek asaiphu atum pen chenglok TB keso kacholong seh kachelang bom arat atum chetong dun.
Ghonta isi sose kapado amai along TB akeso pen kachepajokji heihui aphuthak chethan. Nishay Poshan Yojana pen TB keso kelong atum kecho kijun ahormu kecholongji aphan bangso asaimo (Programme) ratpangri atum denglo. Bangso asaimo ale kecholongji aphan keso abangphu aphan chiklo ejon along 500 seh kelang kapathiktang arni pen Direct Benefit Transfer (DBT) pen TB akeso kelong atum aphan bank account along thap pipo lapen ratpangri (Government) pen kedeng Tribal Action Plan asaimo TB keso kelong abangphu keso kachelang ajak ateng (Complete course of treatment) kipi. Keso kachelang abangphu atum keso kachelang tang pameme aphi Sika 750 an puthot keso abangphu a bank account along thap pipo lapen keso abang abank account number kalite a don-arap undertaking nangji, seta tangka kereng ke pipe. TB akeso kachelang abangphu atum account a number chepiji nangji pu heihui mai along chethan.
TB akeso kelong pen kachepame abangphu atumta chetongdunsi TB akeso kelong pen kachepame alamthe jai dun.
Karbi Anglong along aningkanvang ta bang 1000 sose atum TB akeso cholong. Kachelangdun kapaprap ajok penang an atum keme atumsi ke-ong.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives