ADVERTISEMENT

This area is available for advertisement. Please contact for details.

Arnivang
Get Adobe Flash player

Lok Sabha kilik: BJP ardi kedo jabang atum along-along kilik kapachethangji aphan kachesik

There 30 arni Gohpur pen Moran along prime minister kilik apung-ut nang butji

Staff Reporter
GUWAHATI, Thekar, There 23:
Non kevangji Lok Sabha kilik along Assam ahavar BJP, AGP lapen BPF ratchari kethom chepajirposi arjap dun lo. Assam ahavar pangrumpet 14 Lok Sabha anghoi angbong kachelang dun along AGP pen Kaliabor, Barpeta lapen Dhubri. Lasonsi BPF pen Kokrajhar Lok Sabha anghoi adimsi pek lo lapen akaprek Lok Sabha anghoi along BJP pensi arjap dun lo.
State along BJP kachari bom asonsi Lok Sabha kilik along la-an sose pudum amir kapapu planji aphan BJP jabang lapen ardi kedo atum along-along kilik pachethang damji aphansi chesik-chedang bom lo. Pangrumpet inghoi 14 angbong inghoi 11 BJP karjap dun a constituency along kachepahaiji aphan kilik apong-ut kibiji Assam Pradesh a BJP atum arni pathik lo. Lasonsi prime minister Narendra Modi kevangji There 30 arni Gohpur pen Moran along nang humrisi rat amaipi kapangni ahut alohi sarpo aman pen nang chetong dunsi kilik amongve apong-ut nang but tekang po.
Lason thak thaksi Karimganj (SC) along song pen karjap dun apharman Babul Supriyo There 26 arni humri damsi kilik pachethang asai deng damji. There 25 arni Silchar lapen There 26 arni Mangaldai along Dr. Mahendra Singh humri damsi song pen karjap dun Dilip Saikia apharman BJP atemon amongve kapatheji aphan kilik pachethang damji lasonsi Mangaldai along Dr. Himanta Biswa Sarma ta chetong dunji. There 24 arni Autonomous District (ST) parliamentary constituency along BJP asong pen Horen Sing Bey karjap dun apharman Ram Madhav pen Ramen Deka atum Diphu rongsopi along nang humrisi BJP kilik pachethang amongve pajap tekang po. There 26 arni BJP Assam Pradesh ameiphu Ranjeet Kumar Dass ta Nagaon along kilik amongve pachethang dam po. There 25 arni chief minister Sarbananda Sonowal Lakhimpur along humri damji, Dibrugarh Lok Sabha anghoi along BJP asong pen karjap dun Rameshwar Telli apharman There 26 arni Kiren Rijiju Dibrugarh along nang humrisi rat amaipi kapangni ahut kilik amongve pajap tekang po. There 26 arni Mangaldai along Dr. Himanta Biswa Sarma pen Dr. Mahendra Singh humri damsi song pen karjap dun Tapan Gogoi aphan ke-ong dung a vote pen kapahaiji aphan kilik pachethang tekang po. There 26 arni Guwahati along chief minister Sarbananda Sonowal pen Guwahati humri damsi Queen Ojha apharman kilik pachethang asai deng damji. Tezpur Lok Sabha anghoi along song pen karjap dun Pallab Lochan Das apharman There 25 arni ardi kedo jabang mate minister Dr. Himanta Biswa Sarma kilik amongve pajap tekang po.
Pinpurme, kevangji Lok Sabha kilik ahut Assam along pangrumpet 21,760,604 a voter atum vote jok dun po.
Lok Sabha kilik Assam apharman phase kethom kilik pathik lo lake Jangmi 11, 18 lapen 23 pusi Election Commission announced pen There 10 arni kapangdak.
Kado kave 706,489 a voter angbong non kevangji Lok Sabha kilik along Asssam along kechengsi vote kejok dunji aphai 40,47,15 a voter ke pinso lapen 301,774 voter ke so-arlo, alanglitum ningkan 18-19 arta angbong atum lo. Kado kave 21,760,604 voter angbong pinso aphai ke 111,327,82 lapen so-arlo aphai 106,278,22 an a voter do.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives