ADVERTISEMENT

This area is available for advertisement. Please contact for details.

Arnivang
Get Adobe Flash player

NPP ameiphu Dr. DD Lapang aphan JACAS kachetong dam

Special Source,
Diphu, Thekar, There 19:
Vice Chairman Stalyn Ingti, KSYC ameiphu Prakash Terang, sankur chunbang Bipul Tisso, KNA ameiphu Dosing Terang, KUYA sankur chunbang Roosevelt Ronghang, KSU ameiphu Sar im Tokbi lapen AMKA chunbang atum jalinsi Joint Action Committee for Autonomous State (JACAS) pharman bangphu atum NPP ameiphu Meghalaya chief minister barim Dr. DD Lapang aphan ahem along kachetong dam. Laso kachetong dam ahut, Karbi Anglong state kachehang bom along nang cherap dun nangji lapen Meghalaya along kedo Karbi atum aphan raikom pon nangji pusi choningri tekang.
La-an chot kali Meghalaya along kedo Karbi atum aphan nonputa Mikir pusi pangthek bom lang, lasi larthusi Karbi pusi pangthek nangpo pusi Dr. DD Lapang athengno pachini tekang.
Meghalaya along kedo Karbi atum kaprek-kaprek kelong nangji ateng pen kelong dunde dopik lang pu heihui alamta pachini tekang.
Meghalaya along kedo Karbi atum aphan ratchari lapen angdeng (status) amokha ta kapalong dunji aphan kechengsi akengkamsi JACAS atum chejor lo pusi JACAS along kachelang dun KSYC ameiphu Prakash Terang birta pachini.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives