ADVERTISEMENT

This area is available for advertisement. Please contact for details.

Arnivang
Get Adobe Flash player

PMAY-G ahemso Nilip Block atum a contract ke en det ke aron kali: KATSSA

Our Correspondent
Diphu, Thekar, There 18:
Nilip Development Block kaparlo Koilamati angkang kedo Patoram Timung arong, Kidu Bey arong malom 2017-18 aningkan apharman PMAY-G ahemso block atumsi kikim-kerang a contract ensi inut a beneficiary along first installment ahut pen sika suri hini lapen third installment along pen sika suri nerkep atangka en dun det aphita ajahak ahem patangte det lo, anparta sika pharo troksi atangka abangke Bank atum aphansi pitekang nang titi pusi Karbi Anglong Territorial Social Security Association (KATSSA) asong kahumri dam ahut hadak arat atum akoi pi.
Pinpurme, BJP asorkar kechopanglim ajutang pavir nangji lapen jongsi chopanglim det pulote adai envekji pusi CEM, EM atum along-along rat amaipi kangni ahut jai. Anparta PMAY-G ahemso kikim-kerang along angbong kachejok dun (middle-man) pavedetsi beneficiaries atum methang amatsi chikim longpo lapen jongsi beneficiaries abang bangso ahemso atangka chopanglim det pulote police atumsi ingsai po puta rat angno pangdak lo, seta pini laso alamchak avesi pu Nilip Development Block atum PMAY-G ahemso kedo-an kikim-kerangji aphan alanglitum block asorsi a contract asai endet aphita hemso patangte det ke chokche pusi rat atum jong lo. Sonsi ajahak a beneficiaries atum aphan ahemso patangte akosi account along pen tangka cho-en dunsi ahem abangke hemso a rod si parjap prong lo. Beneficiaries atum kachethan atengke inut a beneficiary along pen kado kave Sika suri kep atangka Block Officer, gramsewak, JE atumsi lason en dun titi puta alanglitum akoi pilo. Lasi laso ateng pulote bangso ahemso ketangji aphan ning kachethe ave pin lo puta jai. Kahumri dam ahut Karbi Anglong Territorial Social Security Association (KATSSA) ameiphu Semson Ingti kaningje atengke kadure arat aphan kapanongpi PMAY-G ahemso Block asor a contract ke-en det ke aron ave lapen instruction along kejong ave. Lasi hemso kapatang pipe det abangke ning duk lo lapen block officer  atum asai ke-oi puke pini adim along kahumri ahutsi klang daklo. Lasi prapjin pen bangso ketangte kedo an ahemso patang serak nangji kali pulote chesong nangkok po puta jai. Anparta Nilip Development Block angkang PMAY-G ahemso ketangte ahemso kedo an adim Borpung, Tarapung pen chenglok atok-ano arong anta humri damji puta ningje.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives