ADVERTISEMENT

This area is available for advertisement. Please contact for details.

Arnivang
Get Adobe Flash player

Maloti Ghatowal aphan areng kapapho a police saiphu aphan pasang nangji: AASAA

A correspondent,
Diphu, Thekar, There 18:
Rameshwar Ghatwal pen Sabitri Gurung angbong kacharvosai alongle alam katarlip dam aphan Bokajan police atum adim along dam There arnikangsam porphai 3 apor malom pale dam lo. Seta laso ahut Rameshwar Ghatwal aphan hem along kachetong damde det ajoine Rameshwar Ghatwal achor Maloti Ghatowal aphan patherak lo. La-an chot kali Bokajan police station a Asst. Sub Inspector Hussain Ahmed Laskar ke Maloti Ghatowal aphan areng paso lo. Anparta hele paklangsi kether tekang puta All Adivasi Students Association of Assam, Karbi Anglong District Committee atum pen SDO (Civil) arideng kapajir apinpur aloh along jong dun.
Lapuson kether ajoine Maloti Ghatowal kaphere ajoine krep bupsi aphir-aphar chethekthe det lo. Laso katarlip asai Bokajan police a inspector Hema Chetry si jalin lo. Lasi kejalin a police Hema Chetry lapen lapuosn asai langno keklem a police Hussain Ahmed Laskar atum aphan prapjin pen asai pen pangsang (Suspend) nangji pu kejong dun pasosi pini AASAA Karbi Anglong District Committee atum Bokajan SDO (Civil) arideng pinpur aloh pajir dam.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives