ADVERTISEMENT

This area is available for advertisement. Please contact for details.

Arnivang
Get Adobe Flash player

KASTPHPU arpu kachepek amai kangni

Staff Reporter
Diphu, Thekar, There 18:
Pini There 11:30 apor Sitlabari LP School along Karbi Anglong Schedule Tribe Physically Handicapped Persons (KASTPHPU) atum kachingvai amai pangni. Mai chengche aprang Kt. Hewali Terangpi aphan chikimo lo.
Bidisar Projit Bey kachepahemphu along song keklem-kedam aphuthak chethan-chemum.
Honghap-hongru atum aphan ratpangri pen ardi pipon vek nangji, anghoi keraipi (Reservation) lapen concession ta honghap-hongru atum aphan pathikpii nangji, anparta song akemang kapachunji alam heihui aphuthak mai cheparai.
Penang apor chingvaidet aphi chedonsar pen (KASTPHPU) asong kejaji aphan songja kimi ingvaisi chepek lo. Kado kave chedonsar pen meiphu Borsing Rongphar, dun-meiphu Ideal Terang, chunbang Rup Kumar Inghi, Joint secretary Hundor Rongphar, saihem chunbang Monjirso Tissopi, dihin chunbang Komal Kro, pachethang chunbang Dilipsing Rongpi, jutang chunbang Anjana Timungpi, Co-ordinator Amor Phonglosa, bidisar Projit Bey, Bijoy Phangcho, Dhaniram Teron lapen bang 20 abangphu atum aphan klembangphu-phi arpu peksi KASTPHPU amei parjap lo pusi song ameiphu Borsing Rongphar pen chunbang Rup Kumar Inghi birta pachetak.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives