ADVERTISEMENT

This area is available for advertisement. Please contact for details.

Arnivang
Get Adobe Flash player

Dongkamukam ahithi along ok kachojor atum aphan ahem kikim kenangsot

Our Correspondent
Dongkamukam, Thekar 18:
There Rongsopi alon lapen kapangthirjir-jir aphan keklem-kedam nangji ason dopik khangjang. Kulat ahem kikim nangji angden heihui lapen gari-motor kapasang nangji adim heihui anparta kaprek-kaprek abeha kachoklemji aphan adim aklong thipivek nangji.
Rongsopi along jongsi beha keklem bom atum aning kehang alingsi kulat ahem baret-barat kim pa-oi pa-ai pulote rongsopi kelang alon ave i-detsi thek long pusi ajahak kacheroktok abangphu atum ningje.
Dongkamukam ahithi kelang arpu kedo Dongkamukam Town Committee a Chairman Telisram Ronghang kapachini atengke alanglitum ward commissioner kedo-an hithi angkang along alon kapadoji aphuthak prapjin pen kachingvaiji aphan chesik lo. Bangso kachingvaiji along Dongkamukam rongsopi along ok kejor a beha keklemji athai kemesen adim kepekji aphanta kemang do puta Chairman Ronghang asangho pachini.
Tangte DTC pen ke-ongdung kemang asai angdeng angbong pen ok kejor abeha keklem atum aphan kethirklong a kulat ahem kikim piji along KAAC ko-an ardi pi dunji.
Pinpurme, Dongkamukam rongsopi arlo non amat ok kejor a kulat kemesen kavedet ajok beha keklem atum penang kasiksak thek long. Beha keklem atum jakong kavedet ajok amena pensi chek pen kulat kim phuli-phula pensi aningkan pathon bom lo, bonta ihin pen langdam lote kulat ahem kemesen kalidet ajoine lapu-laben rongsopi alir kapadoji along ke kacheton dun ave det lo.
La-an chot kali vecheng a botor nang kele lote beha keklem atum chot kalisi kachonam arat atumta kethedung akisung nang dokok lo. Lasi prapjin pen Dongkamukam rongsopi along ok kejor atum an aphan ratpangri atum pen kithirklong a kulat ahem kikimji aphan kengkam chejor asonte Dongkamukam rongsopi a lir alon la-an sose doji pusi havar kedo ajahak kacheroktok arat atumta ningje.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives