ADVERTISEMENT

This area is available for advertisement. Please contact for details.

Arnivang
Get Adobe Flash player

DGC Principal kechokche aphuthak ghonta 100 dharna kangni pini kangton

imageStaff Reporter,
Diphu, Thekar, There 18:
Diphu Government College a principal Dr. N.K Sharma kechokche thek long prong aphita Karbi Anglong Autonomous Council atum kangsai haihe det aphuthak KSA, KNCA, KAWJF, SYC, SYJ, HPYA, UKYA lapen NSM atum chelangpet Diphu Semson Sing Ingti Memorial Park akkimi athengno ghonta 100 dharna kangni.
Methang ale kelongji aphan Diphu Government College anong kapajuno ington nangji, khei-khei angbong kapachelang selet asai Diphu Government College a principal keklem ington nangji, kacharli adim along ratchari kapathu dim kapinchong ington nangji, ahok-he aloh aphuthak tarlipsi prapjin pen NK Sharma aphan ingsai nangji lapen ratpangri atangka kapanahok mate kapanglim asai keklem apot Karbi Anglong Autonomous Council pen Diphu Government College a principal NK Sharma aphan sodak adai en nangji pu heihui kehang alam jongsi KSA lapen chelang rappet asong atum ghonta 100 dharna ingni lo.
There 15 pen pini There 18 an ghonta 100 plengsi pini arnikangsam porphai 4 apor Karbi Anglong Autonomous Council Principal Secretary Mahadananda Hazarika arideng pinpur aloh pajir dam lo. Laso apinpur aloh pajir damdet aphi ghonta 100 paplengsi Dharna kangni ta ington kok lo. Jongsi prapjin pen DGC Principal NK Sharma aphan ingsai lapen adai en-eh pulote kevangji arni ahir ingtangrak kachesong asai dengji puta KSA, KNCA, KAWJF, SYC, SYJ, HPYA, UKYA lapen NSM atum chingkrin.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives