ADVERTISEMENT

This area is available for advertisement. Please contact for details.

Arnivang
Get Adobe Flash player

Article 244(A) pachun nangji pu kaningje dun thek apot Harlongbi Ingti aphan karcho

Staff Reporter,
Diphu, Thekar, There 18:
Kedamtang There 14 arni Diphu Farmers Growth Centre along Bharatiya Janata Yuva Morcha atum Viyay Lakshya 2019 amai kangni ahut BJYM West Karbi Anglong kelang along kacherap dun abangphu Harlongbi Ingti article 244(A) pachun nangji pu kaningje dun thek apot Lumbajong Block Mondal ameiphu Bishnu Teron, Diphu Town Mondal ameiphu Rishi Bey lapen Langsomepi Block ameiphu Bidya Sing Dera atum pen Harlongbi Ingti Kathar aphan choro pusi alangli nang chethan.
Laso amai along BJP Assam Pradesh sankur chunbang Arunjyoti Hazarika, chunbang Ripa Hojai, saihem chunbang Kabita Sharma, Assam Pradesh Study Circle Dibjyoti Deka atum kachetong amai along Harlongbi Ingti Kathar pen Karbi Anglong pen Dima Hasao arat aphan article 244(A) pachun pi nangji pu jai dun lo.
State BJP asongja atum athengno lapuson Karbi Anglong arat akar-i alam kaningje dunthek apor BJP Block mondal ameiphu lapen kaprek-kaprek atum choro rinti puta alangli chethan.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives