ADVERTISEMENT

This area is available for advertisement. Please contact for details.

Arnivang
Get Adobe Flash player

Arnisi apharman Community Festival Hamren Girl’s High School along kapaman

Our Correspondent,
HAMREN, Thekar, There 18
:Sarba Shiksha Abhiyan (SSA) Chinthong Education Block kapatirpi Hamren old cluster angkang apharman Town Ward No. 3 along kedo Hamren Girl’s High School along There 16 arnisi apharman Community Festival kapaman.
Adap porphai 8 apor hithi arlo kedo hum krehini school osomar anparta loh thanbang atum loh kacharli akenangsot aphuthak kapachethangji aphan pusi armu chejeng lo. Adunthu Hamren Girl’s High School along pen pangchengsi kaprek-kaprek school along SMC ameiphu atum methang school alama pachipur rintisi Community Festival katalon pangcheng lo. Asst. Inspector of Schools Katharson Ingti kachepahemphu amai along Hamren Old Cluster CRCC anparta TGC chunbang Semson Teron mai kepha alamthe kejai lapen alohi kapachini apor en. Mai along alohi sarpo aman pen West Karbi Anglong Deputy Commissioner Syed Isfagur Rahman chetong dun. Pha pangjang alohi aman pen Chinthong Educational Development Block asaiphu DPO Dawasangpo Lama, Hamren HS School thanbang kehoi Sing Kro lapen Hamren Consumer Co-Operative Society Chairman Joy Ingti atum chetong dun. Hum krehini school along loh kacharli osomar atum Karbi pen chenglok kaprek-kaprek akhei apindeng-sumpot kachepate paklang. Community Festival kapaman pen ajok loh kacharli along khei lapen dhorom kacheputot kachelang selet kavedetji aphan mang lo.
Lapuson akemesen amai kapaman ke kedamtang nohokta avelang lapen Community Festival along kachetong ongdung charli osomar atum laso arong along aning arong chipi dun rinti.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives