ADVERTISEMENT

This area is available for advertisement. Please contact for details.

Arnivang
Get Adobe Flash player

Ahokhe patta aloh pen PMAY-G ahem kikim kachonghu

Our Correspondent
Diphu, Thekar, There 18:
India ratpangri pen BPL kero hem kave atum aphan hem kikim piji aphan pusi Pradhan Montri Awaz Yojana-Gramin saideng (scheme) dengsi hem kikim piji aphan Sika lakh 1.30 panong lo. Seta ningduk meme alam ke Karbi Anglong district Lumbajong Block kaparlo Dhansiri constituency arlo ajahak ahem kikim ke ahokhe longle a document (Forged) kipi pensi kapakim pusi Dhansiri arat atum pachini.
Laso asai keklemji aphan gram sevak, field inspector lapen Block Development Officer atum aphanta tangka pen bai laplo. Lason pulote ahokpet BPL lapen kadure hem kave arat atum hem kelong dunji aphan heloving khangjang lo. Tangka nang kelo jongsi do-oh pulote gram sevak, field inspector pen kechenglok Block Development Officer atum commission ke-en dunta ongdung lasonsi man lo.
Lapuson asai keklem ke ratpangri atangka kapanahok lapen kapanglim binong lo. BJP ratpangri atum 2022 angbong hem kave atum aphan hem pachetang etji pu akemang ke mentune ta chun un-eh lo puta Dhansiri arat ajahak kacheroktok arat atum ningje.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives