ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak AGP angno BJP kachechak

A Correspondent
Guwahati, There 17:
Kedamtang There 15 arni Assam BJP ajabang kaningje, BJP asong ratpangri ajakong chevangthu seta kahurisai Citizenship (Amendment) Bill aphuthak song karjapke kai atengsi doji. Laso alamthe Guwahati along State BJP asaihem AGP pen BJP asong hini pherangke pen kachetong amai along pensi keklang.
AGP ajabang atum pen pherangke amai kangni ahut Assam BJP ajabang Himanta Biswa Sarma kaningjeke, nelitum ke ningje pame lo ratpangri ajakong chelongthu pulote CAB vanji. Nelitum asongke laso aputhak kamatha kai ateng.
Alangli kaningje thuke AGP asong ahinpen CAB aputhak nangchekroi dunde seta kilik jutdet aphi kachingvai chingsai pen chekroi tahai pusi ningje. Laso ahut, AGP ameiphu pherangke amai along kaningje ke, nelitum song hini angbong kamatha aron kacheprek dotahai seta kachingvai chingsai pensi pachun nangpo.
Alangli kaningje thuke AGP asong non aphongta Narendra Modi aphansi India Prime minister kemang lapen Congress-free India nangji puta ningje.
Jongme, tiri ratpangri pen CAB bill Lok Sabha along kapachun aphan kepon ajok January 7 arni AGP asong BJP pen ratpangri along kachelang chekak daklo.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives