ADVERTISEMENT

This area is available for advertisement. Please contact for details.

Arnivang
Get Adobe Flash player

BJP pen Horen Sing Bey aphan 3 ST Parliamentary Constituency along MP kilik kachetoi dun

Staff Reporter,
Diphu, Thekar, There 17:
Det adang kachariji bom BJP ratpangri atum lok sabha kilik kapachedan dunji aphan pusi atumi kado kave atum amen pangdak lo. Laso ahut Assam angkang kaprek-kaprek parliamentary constituency apharman ta kilik kachedan dunji abangphu-phi atum amen pangdak lo. Laso ateng Parliamentary Guwahati pen Queen Ojha, Mangaldoi pen Dilip Saikia, Lakhimpur pen Pradan Baruah, Dibrugarh pen Rameswar Teli, Jorhat pen Tapan Gogoi, Nagaon pen Rupak Sharma, Silchar pen Rajdeep Roy, Karimganj pen Kripanath Mallah, Diphu pen Horen Sing Bey atum aphan lok sabha kilik along MP anghoi aphan parjap dun pusi birta longdun.
MP kilik kachedan dunji aphan Assam arlo song a ticket kehang dun atum Dibrugarh Parliamentary constituency along Rameshwar Teli pen Pulak Gohain, Jorhat constituency along Tapan Gogoi, Kamakhya Prasad Tasa, Lakhya Konwar, Shantanu Gogoi, Lakhimpur along Pradan Baruah pen Haren Deori, Tezpur constituency along Himanta Biswa Sarma, Nagaon along Rupak Sharma, Rajen Gohain, Angoorlata Deka, Guwahati along Bijiya Chakrabarty, Bijuli Kalita Medhi, Queen Ozha, Rupam Goswami atumsi hang dun lo.
Mangaldoi along pen Ramen Deka, Dilip Saikia lapen Jayanta Malla Baruah anparta Diphu parliamentary constituency along Horen Sing Bey, Bidya Sing Ingleng lapen KAAC CEM achor Kache Teronpi atumsi hang dun lo. Silchar pen Rajdeep Roy, Parimal Suklabadya, Karimganj pen Kripanath Malla pen Amaresh Roy atumsi hang dun lo.
Lason ahut Tezpur Parliamentary constituency along Dr. Himanta Biswa Sharma inutvetsi MP a ticket kehang amen klang lo, seta laso along kedo a MP ta kapatora dun kedokok ajoine non aphong MP kilik kachedan dunji atum amen kapangdak along Tezpur aphan pangjok tekangkok lang.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives