ADVERTISEMENT

This area is available for advertisement. Please contact for details.

Arnivang
Get Adobe Flash player

Salgoacar FC atum 4-2 a goal pen Sankata club aphan kaparem

Ingdeng 4 CEM Gold Cup angdung kiti

Staff Reporter,
Diphu, Thekar, There 14:
Kedamtang Thangthang 27 arni pen kapangcheng ingdeng 4 CEM Gold Cup pini There 14 arni angdung kiti pathu lo. Angdung kiti kapathu along Salgoacar FC, Goa lapen Sankata Club Nepal atum angbongsi pathu chedan lo.
Laso kapathu kecheng ahut hin-hin angbong kethek kachingbarchit ajoine goal kachethap un-eh penang an ajirding lo. Seta Salgoacar atum ingkung isi kapathu kapasang po pu dokdok ahut goal isi thap kechengsi angkung kapathu 1-0 a goal pen chepahai lo.
Laso aphi adunthu angkung kapathu ahut Salgoacar FC atum kachiting prat ajoine goal kethom an Sankata club atum aphan thap thu lo. Kerem bom lang ajoine Sankata club atum manghu mangramsi pathu aron anta chetengne lo. Laso ajoine Sankata club pathu bangphu inut angtan pen kachevan aphan Referee red card paklangsi pathu aklam pen angtan toi plot lo.
Laso ajoine ingkung hini kapathu achitim malom pen ke Sankata club atum bang 10 vetsi pathu dun lo. seta bang kep chitingpik nangji pu kachematha ajoine Sankata club atum chiting thu aret amat jutpo dokdok apor malom Sankata club atumta goal hini thap dun lo.
Laso ateng kapathu kijut 90+4 ahut anke angthek ke Salgoacar FC Goa atum 4-2 a goal pen Sankata Club Nepal atum aphan parem.
Nong-eh kapajir amai along Karbi Anglong Autonomous Council a CEM Tuliram Ronghang arideng pen ingdeng 4 CEM Gold Cup a trophy kerem lapen kehai atum aphan pajir lo. Tangka Sika 2,00,000 kehau atum aphan lapen Sika 1,00,000 kerem atum aphan pajir lo. Ingdeng 4 CEM Gold kapathu along kapathu kemenai anong-eh Salgoacar FC a goalkeeper aphansi trophy lapen tangka pajir lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives