ADVERTISEMENT

This area is available for advertisement. Please contact for details.

Arnivang
Get Adobe Flash player

NFNS atum Delhi CM Arvind Kejirwal aphan kachetong dam

Special Source
Diphu, Thekar, There 14:
National Federation for New State (NFNS) atum kedamtang There 13 arni Delhi chief minister Arvind Kejirwal aphan chetong damsi NFNS ameiphu Shree Aney kejalin along Karbi Anglong pen Joint Action Committee for Autonomous State (JACAS) vice chairman Stalyn Ingti ta chetong dun.
Minute 30 sose kachingki-chethan along ‘hemprek apharman kosonsi kachesongji lapen Delhi atum hemprek kehang along NFNS kacherap dunji, laso alar netum NFNS asong kachelang rappet JACAS, Boroland, Kuki, Gorkha land lapen kaprek-kaprek hang rappet aphan ta along tame nang cherap dun nangji pusi chief minister aphan NFNS ameiphu Shree Aney choningri.
Lason thakthak JACAS vice chairman Stalyn Ingti ta Karbi Anglong pen Dima Hasao arat atum ta article 244(A) autonomous state kachehang ningkan 40 sose lo seta pini arni anta ratpangri atum ardi nang kipipe det ajok Karbi Anglong arat kisung nang chetong nang lo pu heihui alam JACAS vice chairman Stalyn Ingti  Delhi chief minister Arvin Kejriwal aphan pachini tekang.
Karbi Anglong arat akisung pen kapajokji aphan article 244(A) autonomous state kachehang along nang cherap dun nangji puta choningri tekang.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives