ADVERTISEMENT

This area is available for advertisement. Please contact for details.

Arnivang
Get Adobe Flash player

Lokhimon Dhorom kekroi atum Rongnogor adovan pen akeng damsi kuru akengri kapale

imageStaff Reporter
Diphu, Thekar, There 14:
Lokhimon adhorom kekroi atum methang kekroi angthek chepaklangsi Rongnogor adovan pen akeng damsi Dalamara Lokhimon Ashram Kuru akengri pale damsi haladak arnisi dosi ingduk chardom dam lo.
Pinpurme, Rongnogor Lokhimon adovan akurupo, Pli Adovan Longri Riso-Ejang Chingrum Amei ameiphu Mirjeng Hanse atum kejalin along kado kave bang 36 sose atum chelang dunsi There 8 Bhomta adap porphai 4:30 apor Rongnogor pen barlo. Alanglitum Dolamara Lokhimon Adovan an kapaleji aphan pusi Langhin Manikpur kedongput Samelangso pen ha Borpung pakeng ponpetsi jo ni tovar akok sang det aphisi There 10 aningve porphai 9:30 apor Dolamara Lokhimon Ashram Kuru akengri along le dam lo.
There 10 ajo sang det aphi There 11 arni haladak Lokhimon Kuru aphan chingduk chardom lo. Laso aphi alangli There 12 arnisi puthot methang ahem kachevang thuji aphan nangbarlo.
Methang adhorom kachinghon lapen methang adhorom kapachanji anparta kekroi angthek kachepaklangji aphansi alanglitum Diphu pen Dolamara adak ajak kidinglen atovar akeng pen damsi methang a ok aphan aduk chinghoi lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives