ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong Presbyterian Church Synod atum 5 aphong Synod amaipi kecheng

Our Staff Correspondent
Diphu, There 14:
Karbi Anglong Presbyterian Church Synod atum patripisi Birla along kedo Presbyterian Mondoli Diphu along ni 4 apharman 5 aphong Synod amaipi pini pen pangcheng lo.
Pini kechengsi arni jaimek ateng pen pharman bangphu atum aphan kedeng lapen amen kethap heihui asai pensi mai pangcheng lo. Laso aphi arnikangsam porphai 7 apor malom pen chetongpet karcho amai pangni lo.
Bangso amai along moderator Rev. Albert Teron si kedeng alamthe jai lo lapen keklem-kedam aphuthak lamjai (Reports) alamthe chunbang M/A Bevis Teron (Sr.) paklang lo. Aphi Synod amaipi pini kechengsi arni jaimek ateng pen Bible kaporhi lapen kardom padodet aphi Diphu Pastorate (Birla) atum lun cheto (Choir) parju lo. Adunthu arni krungchingsai amai kangni pensi saimo amokha pangcheng po lapen ason-son ajaimek deng po.
There niphai 14 pen 17 an ni pli amaipi aphan Arnam aphan kachipi Malaki 3:10 athepi en lo. Mai esek  Rev. Kelvin Teron, Modoli Asar Toka Rongpi, Rev. Vanlalchhuanga atum arjumesen arnam alam thanpo.
Arnam aphan kero karcho alun cheto Singhason Pastorate, Koilamati Pastorate, Synod Choir, Diphu Pastorate Rongkhelan, Diphu Pastorate Birla heihui atum pensi mai along luncheto parju dun arnam aphan kardom kardi alir-alon pidunpo pusi birta long dun.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives