ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren Recreation Park kapachingthur atangka kapanglim asaiphu atum aphan sodak adai en nangji: USUKA

Staff Reporter
Diphu, Thekar, There 14:
Hamren Recreation Park kapachingthurji aphan pusi kado kave Sika lakh 78 atangka 2012-13 nanglo lo.
Laso adim along netum humri dam lo seta adim along thangnat kachingthur angthek theklongle det lo. Laso atangka DFO JN Hazarika, Nandaram Teron, ACF JK Brahma, Ranger Mohansing Tisso lapen BB Singha atum panahok et lo. Laso aphuthak netum USUKA pen phong ni an pinpur aloh Karbi Anglong Autonomous Council a CEM Tuliram Ronghang arideng pajir dam lo. Laso ateng adai kedo Forest asaiphu atum aphan aron ateng ingsaipo po pusi alangli nang chechak dun lo. Seta alangli chechak det aphi ta Hamren Recreation Park kapachingthurji aphan keklem nangji atangka kapanahok det Forest asaiphu atum aphan pini arni anta thangnat adai en-eh lang.
Kechokche asaikhi-saiphu atum aphan nonputa adai ke-en eh det ajok CEM Tuliram Ronghang Spl PCCF Abhijit Rabha atumta kacherap do dun dokokma puta honthe meme lo pusi USUKA sankur chunbang Jintu Hazarika pachetak.
Lasi Hamren Recreation Park kapachingthurji aphan atangka kapanglim along kacherap kedo asaiphu atum aphan BJP kachari Assam ratpangri prapjin pen adai en nangji pusi USUKA kehang. BJP kachari Assam ratpangri a chief minister Sarbananda Sonowal kaita kapanglim aphuthak asapta chechakche ‘Zero Tolerance’ pusi ningje lo puta USUKA sankur chunbang Jintu Hazarika birta pangdak aloh pen birta pachetak.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives