ADVERTISEMENT

This area is available for advertisement. Please contact for details.

Arnivang
Get Adobe Flash player

Dhansiri constituency Shakti Kendra amai kangni

Staff Reporter,
Diphu, Thekar, There 14:
BJP tiri pen state amei atum kapachini ateng pini Karbi Anglong arlo constituency tin along BJP Shakti Kendra atum mai kangni.
Pini Dhansiri Constituency  Shakti Kendra amai Manja Mohongdijua Hamlai Gaon committee hall alongsi pangni lo.
Lumbajong Block Mondal Committee ameiphu Rajesh Hanse kachepahemphu amai along BJP district committee pen Bharat Kr. Timung, Dhansiri Constituency VDC chairman Dilipsing Bey, Babu Kro lapen kaprek-kaprek man kedo atum mai along chetong dun.
Mai along non kevangji lok sabha kilik ahut kopusonsi BJP aphan ongdung a vote pen kapahai thekji aphuthak mai along chethan. Laso ahut constituency along kosonsi BJP atum keklem-kedam nangji lapen kilik kapachethang nang aron atang heihui ta mai along kachetong dun alohi atum than pachini tekang.
La-an chot kali Block angdeng pen chenglok ason-ason asaideng (scheme) BJP ratpangri atum kedeng pen rat aphan avarsai kipi alam heihui ta mai along kachetong dun alohi atum pen rat athengno jai tekang pusi birta long dun.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives