ADVERTISEMENT

This area is available for advertisement. Please contact for details.

Arnivang
Get Adobe Flash player

Lok Sabha kilik: Bang 10 amen kapaklang along CCSC kachekroi dun

Staff Reporter
GUWAHATI, Thekar, There 13:
Kevangji Lok Sabha kilik along bang kep amen kapaklang along Congress ratchari asong Central Screening Committee (CSC) pen kachekroi dun. Angkrak pen birta kelong atengke kedamtang aningve det ahempi New Delhi along arsikkrung amai kangni ahut Assam pen bang kep parliament anghoi apharman amen kangvai along CSC pen kachekroi dun. “Kevangji There 15 arnisi bang 12 Central Election Committee atum kangni ahutsi inghoi apharman angkung kirip deng po. Congress a Central Screening Committee pen angkungpi amen kapaklang kachekroi dun along kelarji angring jumpik pusi joi-joi pen birta long dun.
Inghoi kep apharman kachekroi dun along kapaklang ke Karimganj, Mangaldoi, Lakhimpur, Jorhat, Nagaon, Kaliabor, Silchar, Tezpur, Diphu lapen Dibrugarh. Kedolang inghoi kethom Gauhati, Dhubri lapen Barpeta kapangdakji dolang lapen There 15 arnisi amen kapaklangji angring do.
Karimganj anghoi Congress pen karjap dunji Swarup Das aphan kepek CSC kekroi dun. Mangaldoi anghoi ke kangni Rajya Sabha MP lapen Congress jabang kehoi Bhubaneswar Kalita aphan kangvai along kekroi CSC dun. Dibrugarh anghoi phong pho MP kikhi tang Pawan Singh Ghatowar aphan Congress candidate lo pusi screening committee kekroi dun. Jorhat anghoi along Sushanta Borgohain aphan kekroi. Lakhimpur anghoi Arup Borgohain aphan kipiji along screening committee kachekroi dun. Nagaon anghoi along Pradyut Bordoloi ke Congress candidate lo. Kalibor anghoi along Gaurav Gogoi aphan screening committee pen kedeng. Silchar anghoi amen kapaklang along Sushmita Dev ke Congress candidate lo pusi screening committee pen kapangdak. Diphu anghoi along Biren Sing Ingti aphansi Congress pen karjap dunji aphan screening committee pen kekroi dun. Tezpur anghoi along bureaucrat barim MGVK Bhanu aphan kejong along screening committee kachedon dun.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives