ADVERTISEMENT

This area is available for advertisement. Please contact for details.

Arnivang
Get Adobe Flash player

Keplenglim CU aphan kachesong angthek chelonglo: KSYA

Staff Reporter
Diphu, Thekar, There 13:
Karbi Students & Youth Assembly atum kedamtang Thangthang achiklo Ministry of Human Resource Development Union Minister Prakash Javadekar arideng Karbi Anglong Diphu along kangthimlim Central University pangni nangji pu jongdunsi pinpur aloh pajir dam lo.
Assam arlo hill district along kedo arong arat atum kacharli ahin paphipik lang athe havar along keplenglim central university lapen NIIT, IIMS, Regional Engineering College ason kemesen kacharli avarsai kave ajok kacharli ahin non puta paprang dun thekthe det lo.
Diphu along Assam University Diphu Campus nang pangni lo, seta laso a university along tangka nang kele kadure lapen keplenglim kalidet ajoine ko-an ma charli avarsai kelong nangji longle det lo. La-an chot kali laso university keplenglim kalidet lang ajoine kacharli ason chokpet kalidet lo. Lasi Karbi Anglong district hini arat atum mesen kacharli avarsai kelongji aphan ihum keplenglim central university nangpi nangji pusi KSYA atum pinpur aloh pajir tekang lo. Laso alanglitum kehang ateng chokji chokche pu ke pudam un-eh lang seta tiri ratpangri ahin penta alamthe isi anke alangli chelonglo. Lasi alangli kachesong mate keklem angthek chelonglo. Kehang mate kachesong ale prapjin longpo pusi KSYA atum ning chethe lo.
Karbi Anglong arlo keplenglim central university kelongji aphan penang abangphu lapen song atum kachesong mate keklem do lo. Laso angthek chelong bom lo, Karbi Anglong arlo lasi eson ahormu kelongji aphan kado kave atum ning isipet klem lo lote kichunche det alam amatsi ave puke klang angthek chelong bom lo.
Alanglitum pen kevangji arni anta laso akemang mate Diphu along kangthimlim ihum central university pangnine tik kachesong ke-otthip aphanta KSYA atum pachini.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives