ADVERTISEMENT

This area is available for advertisement. Please contact for details.

Arnivang
Get Adobe Flash player

Isi vet akemang aphan jongsi MP parjapji pulote HSDC chekroi dun lo

Staff reporter,
Diphu, Thekar, There 13:
Non kevangji lok sabha kilik along MP anghoi kapachedan dunji aphan pusi HSDC, CPI(ML) atum bang kethom atum amen panel list selam lo. Laso along phong thom MP kemantang abangphu Dr. Jayanta Rongpi, kedamtang aphong kilik kachedan duntang abangphi Protima Inghipi lapen EM kemantang abangphu Robi Kr. Phangcho atum amen jong lo pusi HSDC sankur chunbang Laichan Ingleng pachini.
Panel list selam det aphita ta BJP pen akaprek ratchari asong atum jongsi chekroisar pen isivet akemang aphan jongsi MP kilik along pachedan dunji pulote HSDC atum ke kaike ta chedon dun lo puta Laichan Ingleng pangdak.
BJP atum kedamtang Council kilik ahut kaselam election menisfesto along Article 244(A) aphuthaksi kechengsi along tok lo. La-an chot kali MoU, MoS aphuthak tok lo seta lahai ketok alam ke kapachobai asonsi mandet athe kachechak lahai angbong isibakta kapachunji kali tiri kachari BJP atum ke India a constitution along kedo Article 244(A) kapapraiji aphansi kabor-i do. La-an chot kali BJP atum kachopanglim ta pavir detji pusi kipu seta kaprek-kaprek adim along ason thakthak Karbi Anglong Autonomous Council kaparlo saikam 30 alongta kapanglim asai do bom lo. La-an chot kali BJP kachari ratpangri atum sai keklem kechokche asaiphu atum aphanta chohai un-ehsi thangnatta klemkle det lo.
BJP atum kaningje lapen keklem
kacheprekpik anparta inglong aso akhei atum aphan kelana ponpe kethek longlor ajoinesi BJP phan kroi un-eh. Lasi BJP aphan kaparemji aphan Karbi Anglong arlo kedo BJP pen akaprek ratchari atum jongsi isi akemang pen inutvet MP parjap dunji pulote netum HSDC ke alamle do seta chekroi dun lo puta HSDC sankur chunbang Laichan Ingleng than.
Isi akemang article 244(A) autonomous state pen BJP aphan kaparemji pu kachingrumji aphan Karbi Anglong kedo ratchari asong atum jongsi kachingrum aning kehang do pulote HSDC atum ke kaiketa kachingrum dunji aphan chisik ding lo puta Laichan Ingleng pachini.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives