ADVERTISEMENT

This area is available for advertisement. Please contact for details.

Arnivang
Get Adobe Flash player

Hamphang asong atum tangka kirung ong ajok inut kulat kachobi abangphu kaningri

A correspondent,
Dillai, Thekar, There 13:
Karbi Anglong arlo hamphang asong ke-ongpik ajoine chiklo ejon angbong ihum akulat along phong ni-phong thom an tangka kirung ajoine beha aso kacheklem atum kaningri.
Dillai 14 Mile along kedo National Highway 36 atovar ari kulat kachobi abangphu Krishna Teron kaningri. Neli NH-36 atovar ari kulat chobi dunsi arnisi angbong Sika 100 anbak ale cholong dunsi asomar lapen episo anparta asarpi sarbura atum aphan chepangreng lo. La-an anvet ale kelong ta aphong-aphong hamphang asong atum tangka nang kirung ajoine kulat kachobi dunji aphanta kasiksak dokok lo puta alangli ningri. Athe hamphang asong atum jongsi chiklo ejon angbong phong thom anbak tangka nangrung det  pulote kanat pensi ale kedo alangma puta ningri.
Diphu pen kevang hamphang asong aphanta pidun nangji lapen ladak havar along kedo asong atum aphanta pinangji puke koson loma puta alangli ningri.
Laso achiklo angbong Diphu pen vangsi phong thom an tangka nangrung lo. Kechengsi aphong ke Sika 100 pidun lo, adunthu aphong Sika 50 lapen phong thom kechok ahut Sika 20 ansi pidun puta Krishna Teron chethan.
Neli pi dunde pu kali seta song atum amethang ahavar along chirungvet asonte netum aphanta akejoi doji pusi Teron asangho choningri.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives