ADVERTISEMENT

This area is available for advertisement. Please contact for details.

Arnivang
Get Adobe Flash player

4th CEM Gold Cup Salgoacar FC pen Sankata Club angbongsi angdung kiti pathupo

4th CEM Gold Cup
Salgoacar FC pen Sankata Club angbongsi angdung kiti pathupo

Staff Reporter
Diphu, Thekar, There 13:
Karbi Anglong Autonomous Council (KAAC) kacherap dun Karbi Anglong Sports Association (KASA) kapatirpi Karbi Anglong ahempi Diphu rongsopi along kedo KASA kapathu aklam along ingdeng 4 CEM Gold Cup 2019 kapathu kachepate bilo. Kedamtang Thangthang 27 pen pangchengsi penap There 14 arni ke angdung kiti pathu po.
Ingdeng 4 CEM Gold Cup 2019 along kado kave angtan kapathu aterank pen-pen terank 12 football kapathu aterank angbong kapathu chepate lo. Lasonsi pathubom vangbomsi There niphai 11 arni ASEB SC, Assam lapen Salgoacar FC, Goa aterank angbongsi kechengsi semi final pathu lo. Bangso ahut Salgoacar FC, Goa aterank atum kapathu kethekser ajoine 4-0 goal pen ASEB SC, Assam atum pen chepahaisi angdung kiti angdeng an le dunlo. Lason thakthaksi There niphai 12 arni adunthu semi final ke Sankata Club, Nepal lapen Thimphu City FC, Bhutan angbongsi kapathu chepatelo. Sankata Club, Nepal aterank kapathu kethek ser ajoine 2-1 Goal pen Thimphu City FC, Bhutan aphan paremsi angdung kiti chepale dunlo.
Laso ateng There 14 arni KASA kapathu aklam ingdeng 4 CEM Gold Cup – 2019 angdung kiti kapathu along Sankata Club, Nepal lapen Salgoacar FC, Goa aterank angbongsi kapathu chepate po.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives