ADVERTISEMENT

This area is available for advertisement. Please contact for details.

Arnivang
Get Adobe Flash player

2019 Killik: AGP pen BJP kachelang

Song klembang atum kachelang aphuthak ningkangsamse

Our Correspondent
Guwahati, There 12:
Bharatiya Janata Party (BJP) pen Asom Gana Parishad (AGP) kilik chedan rappetji aphan kachelang ajok klembang atum angbong ningkangsamse kachepaklang.
Durmi arni jirlo apor Assam along kevangji Lok Sabha kilik BJP pen kachedan rappetji aphan Asom Gana Parishad (AGP) asong kapangdak.
Senior BJP ajabang lapen AGP ajabang angbong chingvai patep pamesi bangso alam kapangdak. Pupu asong ta kachelang rappetji aphan chekroilo seta penang song klembang atum laso kachelang aphuthak khamkhelo lapen matha pame pensi lamrai deng nangji pu kehang paso. Laso ajok song klembang atum aphan kapakroiji aphan akisung dokoklo. Lahei kachetonte kedo ajoine kachelang alamthe Urmi arni anke pangdak thekthe detlo.
BJP pen AGP klembangphu atum kekhamkhe lapen kachetonte ajok ajahak ajabang atum ke jungjung pen kilik karjap dunji aphan kachesik dolo. BJP klembang atum lahei kachetonte ajoine ningkangsamse dokok lo.
Assam along Congress asong angkur kapachesak longledetji aphan laso kachelang kenangsot pusi BJP National general secretary Ram Madhav ningje.
ÔÇťAssam lapen det amuluk atum Congress kachari ahut penang kesung chechak nanglo, lasi nonke kachelar nangpo (Change). Nelitum lahei akisung kachepajokji aphan klempo pusi Assam BJP ajabang rat aphan chechak.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives