ADVERTISEMENT

This area is available for advertisement. Please contact for details.

Arnivang
Get Adobe Flash player

Rongmongve KCS Zone atum Botor Kikur

Special Correspondent,
Diphu, Thekar, There 12:
Atumi There 11 arni Rongmongve KCS Zonal Committee atum patirpisi Rongagora ahavar Thedong Bey (Sarpo Bey) arong along alir-alon pen Karbi ajutang ateng motor mesen kelongji aphan pura Botor Kikur.
Karbi aron ateng botor kikurji aphan pusi arong tin pen rong asar, chinthong asar lapen pherangke lapen rong asar tin pen bang pho lapen sang lin 2 anparta tangka Sika 200 chevansi ke-ong dung arong asar chetong-chetong dunsi bortor kur dun lo.
Bangso along chopha alohi KCS tiri klembangphu KAAC EM barim Mohen Bey chetong dun.
Pinpurme, Karbi ajutang botor bokan mesen kelongji aphan Ha-i alun kilun pensi cho-arkli chongduk lo. Karbi akhei along ove kachelar bom ajoine botor kikur asai keklem atumta jum bom lo. Lason ahut atumi There 11 arni Rongmongve KCS Zonal Committee atum patirpisi Karbi ajutang ateng klemsi botor bokan kemesen kelongji aphan botor kur lo.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives