ADVERTISEMENT

This area is available for advertisement. Please contact for details.

Arnivang
Get Adobe Flash player

Molirlangso arat tovar kaheno kaningri

Arve nang sunse aprang sand gravel kethokji aphan Molirlangso, Ambinong kachohang

A Correspondent
Hamren, Thekar, There 12:
Hamren Town Committee Ward No. 5 arlo Ambinong, Molirlangso arong kacheleng atovar kisung alamo pini penap alam kalilo. Congress kachari ahut halaso a ward angkang arlo kachoboche arat atum ko-an lone tovar kacheleng dun kisung. Kerap kelongji aphan pu ning chethesi aphong-aphong kilik ahut ta vote jok dunsi ratpangri kapangni along cherap dun lo.
Rat atum aning kachethe ke chethenak ason athe ratpangri atum laso arong arat kacheleng atovar kaselamji aphan aning kehang angthek thek longle. Lasi non kachari bom ratpangri atum havar along kachingthur asai keklem bom apor Ambinong Molirlangso arat atum aphan laso akisung pen kapajokji aphan tovar selam nangji pusi kachoningri. Arnivang loh kacharli aphan laso atovar kachehelat a osomar atum thedung akisung chetong nang lo. Chongkup-Langmek-ang lapen Molirlangso a osomar atum kahenopik atovar along arnivang kacheleng akisung alam jongsi matha dun pulote chingjinso meme anpin pusi havar kedo kacheroktok arat atum ningri.
PWD Hamren Roads Division pen laso atovar aphan non arve nangsunse aprang sand gravel kerik asai anke nang klem pivek nangji pusi Hamren Town Committee Ward No. 5 arat kacharibom BJP ratpangri atum aphan kachoningri.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives