ADVERTISEMENT

This area is available for advertisement. Please contact for details.

Arnivang
Get Adobe Flash player

Longbi Hanse arong along devak katiki aseke kipi

A Correspondent,
Bokajan, Thekar, There 12:
Borjan MAC constituency angkang Kuligaon Longbi Hanse arong along ni thom apharman Rubber (Devak) katiki aseke kipi.
Todap porphai 10 apor pen Longbi Hanse arong asar Chandra Sing Hanse chetong dunsi alohi atum aphan kapachini apor enlo.
Alohi aman pen Diphu Rubber Board field officer Hifjul Hoque, Rubber Board Biswanath Charali field officer Debakrishna Saikia lapen Tonny Teron atum chetong dun.
Pradhan Mantri Kaushal Vila’s Thana (PMKVY) Recognition of Prior Learning (RPL) on Latex Prodding Technician (LPT) pu Rubber Board Field Station Diphu lapen regional office Nogaon akerap pen There 12 pen 14 an ni thom apharman  devak katiki aseke pipo. Seke kipi pangchengche aprang kenangsot alam heihui than pajirmi lapen choi, phutup, dairy, kolom heihui ta seke ke-en dun atum aphan ron lo.
Pangrum pet bang ingkoi ra sirkep (29) abangphu-phi atum aseke en dunsi kecheng arni mesen pathon lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives