ADVERTISEMENT

This area is available for advertisement. Please contact for details.

Arnivang
Get Adobe Flash player

Lok Sabha kilik ahut kasiksak kavedetji aphan administration pen Law & Order atum kaprek kaprek asai kedeng

West Karbi Anglong a DC Pherangke kepha

A Correspondent
Hamren, Thekar There 12:
India det angkangpi kevangji Lok Sabha kilik apharman India a Chief Election Commissioner kapangdak ateng Karbi Anglong, West Karbi Anglong lapen Dima Hasao inglong kethom kaparlo No. 3 ST Parliamentary constituency Phase-II Jangmi achiklo 18 arni kilik vote jokpo. Kilik ingthirjir, mesen pen kilik kapadoji aphan akenangsot ason-amung kedeng aphuthak atumi There 11 arni West Karbi Anglong a DC Syed Isfagur Rahman pherangke amai pangni.
West Karbi Anglong Deputy Commissioner kejai ke, kedamtang Thangthang achiklo niphai 6, 2019 an West Karbi Anglong arlo Vote kejok aphai kado kave 1,97,126 long. Polling Station abang aprang 246 adim non pabatsi 296 an do.
Laso angbong pinso aphai 1,01,384 lapen arloso aphai 95,742 aphai voter do. Hamren Town angkang long 5 so-arlo vote polling station (Women polling station) selam lo. Laso polling station ke Jirsong High School (RW & LW), Hamren Govt. Higher Secondary School, Ambinong English LP School lapen Rongchingdon LP School.
Todal Shadow Area-38, Total Zonal Officer-9, Total Sector-52 ingvaisi pathik lo. Webcasting aphan polling station long-20 pathik lo. Model Code of Conduct abangke kilik kapadoji kapachetak arni There 10, 2019 si pado phitlo. Kilik kibiji angbong kelangchar dunji aphan flying squad-4, SST-4, VVT-4 lapen MCMC-1 pathik lo. Vote kejok abangphu-phi atum kopene akenangsot karjuji mate kapachiniji do pulote Voter Help No. 1950 (Toll free No. 1800-345-3528) kapathik do lapen Control Room Contact No.03677-230051 West Karbi Anglong DC asaihem alongsi bi lo puta pherangke amai along West Karbi Anglong Deputy Commissioner Syed Isfagur Rahman pangdak.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives