ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong sai katiki ahin kangthurji aphan kachingvai

Ove kimi aphan katiki ahin pensi voreng pi unji: Longsing Teron

Staff Reporter
Diphu, Thekar There 12:
Karbi Anglong arlo ratpangri ahem along chokamar kelongji aphan avarsai kave lapen voreng aphan ta atovar kave pen non kevangji ningkan kep angbong penang an kasiksak-kisung vangji. Bangso ahin pen kapajokji ke sai katiki ahin hen lo. Bangso akrong pen ason-ason beha katiki (Commercial cultivation) pen kereng lapen kithurkluk kapavang atovar cheman po. Laso pensi cottage industry lapen ason-ason abeha ta nangduntoi po. Jonglonang, katiki jongsi beha aphan tiki lote ladak amat processing klem pen hithi (Processing and marketing) dopo. Lalote aso-asa a industry pangni unpo lapen ason-ason laso pen kacherap kenangsot ason kejor (Tools and implements) pen danglok lapen kelong athe (Production) kejor along kacherap truck pen danglok ke kenangsot ahin beha choklem ingdangpo lapen district a chokam ta bat po. Lasi rat aphan kapajokji ke isivet atovar, lake sai katiki hen lo pusi pini KFA (Karbi Farmers Association) asaihem along isi arsikrung pen kachingvai amai along Thekar a chapbang Longsing Teron jai. Pini kachingvai amai along inut sai katiki ahin kangtangklong abangphu Moniram Ronghang pen Jensing Teron atum ta chetongdun. Mai along KFA ameiphu Tingku Kathar pen danglok bangphu atum ta do.
Mai along India angkang kachethangplup asong, Maharastra arlo Kolhapur along kedo Bharat Vikash Sangam pen DB Chettri aphan nangchetoisi ason-ason technology pen danglok seke kipi an kerapji aphan sai kedeng kapangchengji aphan chechak. Alangli sai katiki lapen kerapji aphuthak ardo doklong alam jai tekang lapen thetan-thetan sai katiki adim lapen industry along kacharli aphan keponji aphan ta lamchak pi tekang. Pinpurme, Bharat Vikash Sangam ke ha 12th Century ahutsi keseng asong.
KFA ameiphu Tingki Kathar Longsing Teron aphan lason avarsai kevan aphuthak kachoro pajir.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives