ADVERTISEMENT

This area is available for advertisement. Please contact for details.

Arnivang
Get Adobe Flash player

Serlongchor along MGNREGA scheme EM Mongalsing Timung kangpu

Our Correspondent
Kheroni, Thekar, There 11:
Atumidik There 9 arni No.8 Hamren constituency arlo Serlongchor along EM Mongalsing Timung arideng pen MGNREGA 2018-19 dihin aningkan longle pacheklam asai kangpu.
KAAC EM Mongalsing Timung laso kangpu asai along VDC Chairman Sarsing Phangcho,West Karbi Anglong District a BJP saihem chunbang Harman Bey, VDC chairman barim Birensing Tisso, Rongkhang Development Block JE, Gramsewak atum pen chenglok kaprek kaprek man kedo atum chetong dun.
Bangso aphijong puthot Serlongchor LP school alongta Polling station kimi kangpu amai pangni.
Bangso P/S along VLC longthrok arong parlo lapen kado kave 392 voter do, mai along amat laprek kaprek asong pen don 17 atum amethang asong che-ohsi BJP along kachingbe dun.
Chandra Tokbi kachepahemphu amai along EM Mongalsing Timung lamthe kejai ke, kevangji 2019 MP kilik ahut BJP atum ongdung votes kapalongji aphansi Polling station akimi ingpu lo. BJP ratpangri atum ningkan hini vetlang kachari seta Harmen Constituency angkang kacheleng atovar tame cheklodhip anpinlo lapen nonke gari motor kacheleng Deuri Tinali, Serlongchor pen Hamren ta cheleng un lo. BJP ratpangri atum so-arlo aphan manpeng kipi, kanghong paprang sonsi keboidet arat aphan non hetjong kecho asang ilin pen Sika 1 pen pachonam long lo. Anparta ladak Serlongchor arong along kijun alang sungpik lasi MP kilik aphi Hini kethom alangtik hut pipo puta KAAC EM Mongalsing Timung rong arat aphan chak tekang.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives