ADVERTISEMENT

This area is available for advertisement. Please contact for details.

Arnivang
Get Adobe Flash player

Saubhagya scheme amen pen akejoi keron nangji solar kachojor

Our Correspondent
Kheroni, Thekar, There 11:
Ratpangri atum pen kejoi rong arat atum aphan solar kipiji pusi Saubhagya scheme dengsi solar keron pachetang lo.
Laso ateng Karbi Anglong arat apharmanta solar nangle lo, seta ningduk meme alam ke akejoi keron nangji  a solar hithi along kejor asonsi inglong ahavar ledo arong arat atum aphan chongthuisi inut bang hini atum Sika 3000- 4000 anam en kejor.
Inglong arat atum tangka cholong dun thekthe ajoine agent atum aning kehang aling keklem thap pusi birta long dun.
Rihing ameh kele un-eh pin arong alongsi solar kipi nangji bonta rihing ameh kelong tang arong ta solar keron asai deng lo.
Solar ke contractor atum aphan APDCL atum tong tangka pen le jor noi putong kipu ma mate akejoi pensi ron nangji pu ma pusi arju rinti.
Contructor ke M/s Lords Marth JV with Sainik food atumsi solar keron asai klem lo. Laso asai along Promod Gogoi, Dorsing Terang, Harsing Teron lapen Joysing Teron atum cherap dunsi rong along solar kejor asai keklem puta birta long dun. Tangka suri 3000-4000 ador pensi keron asai klem lo. Laso aphuthak APDCL DGM, AGM atum pen sodak ingsai nangji lapen lapuson rat avi kachongsip asai keklem atum aphan prapjin pen nep ingnangsi sodak adai en nangji pusi kacheroktok arat atum kehang paso.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives