ADVERTISEMENT

This area is available for advertisement. Please contact for details.

Arnivang
Get Adobe Flash player

MCC pangdak det aphi Dongkamukam along MP kilik kapachethang kapangcheng

A correspondent,
Diphu, Thekar, There 11:
West Karbi Anglong Dongkamokam Waisong pathu aklam along pini There 11 arni porphai 11:30 apor pen  BJP ratchari atum lok sabha kilik kapachethang amai kangni.
Mai along Assam State Finance, PWD, Health & Family Welfare Minister Dr. Himanta Biswa Sharma alohi sarpo aman pen chetong dun. Non kedobom mate kacharipon bom BJP sorkar atum kevang ajoksi Assam alongri lapen Karbi Anglong district hini ahavar along KAAC CEM Tuliram Ronghang jalinsi penang an kachingthur asai keklem  lo. Laso ajok thedung kachingthur kachelar thek long lo.
Karbi Anglong district hini arlo KAAC MAC constituency 26 apharman tiri ratpangri special package kuti 260 an atangka panongsi a constituency tin aphan ta sika kuti 10 an kipiji aphan pini state dihin a minister H.B. Sharma rat athengno jai.
Anparta Karbi Anglong district ahavar along aronre pen Bangladeshi arat kedo atum aphan tiri ratpangri pen dim klong pek thekthe lapen bangso alongri pen ketoilapji aphan ingtonte puta minister H.Biswa Sharma rat athengno jai.
La-an chot kali hemepi kedo-an atum aphan pension atangka kipi pachetang et nangji lapen non hetjong tiri ratpangri pen kadure arat aphan kapanong ANNA scheme pen sang ilin sika isi adontin lin 35 ta kipi pachetang pet nangji puta alangli mai along jai.
Sonthotsi non kevangji lok sabha kilik along ongdung a vote pen pahaisi BJP atum la-an sose Karbi Anglong kapachingthur asai paklem lonang puta alangli jai tekang. Mai along  KAAC CEM Tuliram Ronghang, MLA Dr. Mansing Rongpi lapen KAAC Chairman, Dy Chairman, EM, MAC atum chetong dun anparta bang 1200 sose armu chetong dun Model Code of Conduct mate lok sabha kilik pangdak det pen West Karbi Anglong district arlo kechengsi kilik kapachethang amai kapangni mesen pen pachekak lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives