ADVERTISEMENT

This area is available for advertisement. Please contact for details.

Arnivang
Get Adobe Flash player

International Women’s Day katalon dun

Staff Reporter
Guwahati, Thekar, There 11:
Aaranyak adilung ta Kaziranga-Karbi Anglong Anglong athoi along Karbi akhei inglong aso asarpimar atum pen-pen International Women’s Day katalon dun.
Karbi Anglong a district Kohora along kedo Chandrasing Rongpi Memorial School along International Women’s Day katalon along kaprek-kaprek arong pen kado kave bang 19 sose asarpimar atum chetong dun.
Sarpimar atum aphan International Women Day katalon aphuthak kethan pensi katalon asaimo ta pangcheng lo.
Laso aphi UN pen athepi ke-en akimi kachelar aphan kamatha kapachingbar, reset kikim pu aphuthak than pachini lo. Laso ahut pinso-arlo apun achak kapachingbarsi methang jongjung kapaprang lapen choki-chokam ahin kedorplupji aphuthak than. La-an chot kali so-arlo atum kosonsi methang akeng pen kacharjap thekji anparta akaprek aphan kachotong jokplotji aphuthak ta than pachini lo.
Laso arlo atum chelangpet keklem abeha aphuthak lam-arjan paklangsi kosonsi tangka kapavang asai keklem thekji aphuthak than paklar lo.
Arta kijum lapen arta ke-ong Karbi arlosopimar atum methang jutang chingthang pen nang kachetong dun atum aphan amethang aning kehang alam kapachethanji aphanta apor pilo. Laso ahut alanglitum kedamtang arni kipi a seke ke-en dun pen ale kelong, kachini anparta kevangji arnita alanglitum lapuson aseke ke-en thuji aphan aning kehang alam International Women Day katalon ahut chethan rinti. Ghonta hini anbak asaimo school than mate havar along kedo Aaranyak along keklem kachepaduk krup abangphu Swapan Nath si kado kave patirpi lo. Project officer Dr. Kalloli Dutta pen Arif Hussain atumsi cherap-cheto dun lo. Rituparna Bhattacharya pen Rowel Ingti atumta ajahak asai along cherap dun lo.
Laso asaimo kapatirpi atum pen musical chair akapathu heihui ta kachetong dun atum aphan papathu lo. Laso ahut kapathu dun asarpimar atum pirthe akiduk-kisung alam tengnesi ning arong chipi pen pathu dun lo.
Aaranyak atum Kaziranga aphan kekomchen ahavar malom kedo arong arat atum aphan keraikom thekji aphan pusi Kaziranga-Karbi Anglong athoi malomsi sai klem bom lo pusi Aaranyak pachethang chunbang Udayan Borthakur birta pachetak pusi PRCO Munmita Boruah birta nang pale.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives