ADVERTISEMENT

This area is available for advertisement. Please contact for details.

Arnivang
Get Adobe Flash player

‘The Students & Youth Seminar’ pini kapajut

Staff Reporter,
Diphu, Thekar, There 10:
Karbi Students & Youth Assembly atum kapatirpi Diphu Farmers Growth Centre along nini apharman kapangni Article 244(A) aphuthak The Students & Youth a Seminar pini There 10 arnikangsam pajut lo.
Atumi There 9 arni pen kapangcheng a krungsai along atumi kecheng arni pharman bangphu atum aphan kedeng amen kethap pensi pangcheng lo. laso aphi arnikangsam porphai 5:30 apor KSYA abidisar Bharat Ronghang pensi krungsai amai ingpu lo.
Laso aphi pini adunthu arni mate pini kapajut arni adap porphai 10 apor KSYA ameiphu Sandar Teron pen song alama pachipursi krungsai amai pangcheng lo.
Nerlosini kangni a krungsai amai along EM barim Chandra Kanta Terang chetong dunsi krungsai athepi Students & Youth Seminar on Article 244(A) aphuthak than pajirmi lo.
Laso ahut alangli, Article 244(A) kosonsi  Indian constitution along ketok longma pu chenglok Karbi Anglong lapen Dima Hasao arat atum laso aphuthak kacheahang aphurkimo klardak than pachini.
Alangli kethan atengke, Karbi Anglong Autonomous State kapalongji aphan Karbi Anglong arat atum kethom akrong pensi chesong lo, risim ke-ot asong, kachari along dopen kachesong, methang jongjung pen kilik chepahai pen state kachehang hen lo pu pen chenglok kaprek kaprek alam pen alangli article 244(A) lapen sixth schedule aphuthak krungsai amai along klardak than.
Mai along kachetong dun kaprek kaprek ahamphang asong atum penta lapusonsi article 244(A) lapen kosonsi laso aphuthak kachesong nangji alam mai jai. Mai along Kachetong dun District Press Club of Karbi Anglong a sankur chunbang Danielson Bey penta mai along Article 244(A) aphuthak jaisi Karbi Anglong hemprek kehang kejalin ajabang atum mesen pen rat aphan kejalinji lapen aphi kidung rat atumta ning isi kedo pen hemprek apharman ning ingthir et pen kachesongji aphan mai along jai tekang.
Karbi Anglong arlo ratchari asong atum pen chenglok hamphang asong anparta kaprek kaprek asong atum hemprek kehang kachesong pu amen pen ale kacho-en eh detji aphanta DPCKA sankur chunbang Danielson Bey choningri.
Mai aong article 244(A) aphuthak penan an chethan chepaklarsi mai ingsamjin pen pachekak lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives