ADVERTISEMENT

This area is available for advertisement. Please contact for details.

Arnivang
Get Adobe Flash player

Six Month Karbi Communicative Course AUDC along kangpu

imageStaff Reporter,
Diphu, Thekar, There 10:
Ajirdingklui pen Karbi arat atum kachonghong prong Six Month Karbi Language Communicative Course AUDC along atumi There 9 Bhomti arni ingpu et lo. Atumi AUDC English Department along Six Month Karbi Language Certificate Course AUDC Social Adivisory board a member secretary lapen Thekar chapbang Longsing Teron arideng pensi pangpu lo. Laso kangpu Pro Vice Chancellor Prof. Sivashis Biwas, Programme Coordinator AUDC Assamese asaikam Dr. Kokumbar Baruah, SPKL (Society for Promotion of Karbi Language) chunbang Johny Timung, AUDCSUS meiphu Dunbert Terang lapen kaprek-kaprek man kedo abangphu atum chetong dun.
Laso along AUDC Six Month Karbi Language Communicative a thanbang Khogen Ingti pen Kensing Taro atum chetong dun.
Hithi arui tin Bhomti pen Bhomkuru arni arnitili porphai 1 pen porphai 3:15 an loh thanpo. Laso a course kacharli dun abangphu-phi atum aphan Assam University pensi kado kave certificate amokha anta pipo. Karbi language communicative course along kado kave paper kethom an doji puta Dibrugarh University Court pen Executive Council bangphu, Dibrugarh University lapen six month Karbi language certificate course a programme co-ordinator Longsing Teron pachini.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives