ADVERTISEMENT

This area is available for advertisement. Please contact for details.

Arnivang
Get Adobe Flash player

EC pen 2019 Lok Sabha kilik kapangdak

Assam along phase kethom kilik kapathik, Diphu ke 2nd phase Jangmi 18 arnisi kilik arni kehot

Our Correspondent
NEW DELHI, Thekar, There 10:
17th Lok Sabha kilik phase 7 aphan Jangmi 11 pen chengponsi Aru 19 an jutpo. Bangso kilik ahut kado kave 900 million amuluk atum vote jok po pusi Bhomkuru arni Election Commission pangdak.
Kado kave 543 Lok Sabha constituencies apharman vote kalakha Aru achiklo niphai 23 arni arnisivetsi lakhaji pusi Chief Election Commissioner Sunil Arora New Delhi pherangke amai along pangdak.
Nihang nirep ahavar Assam alongri along ke phong 3 aphong (3 phases) vote kejokji ke Jangmi 11, 18 lapen 23, Manipur lapen Tripura alongri alongke phong 2 aphong (2 phases) vote kejokji Jangmi 11 pen 8 arni. Arunachal Pradesh, Meghalaya, Mizoram lapen Nagaland ke ephongvet (Single phase) Jangmi 11 arni vote jokpo.
Jongme, state assembly kilik pen kedorappetji adim ke Arunachal Pradesh ke Jangmi 11, Sikkim ta Jangmi 11, Andhra Pradesh lapen Odisha ke Jangmi 11 arnisi jokji. “Ratpangri (Government) lapen kado kave ratchari asong kedo an kilik kapangdak arni pensi Model Code of Conduct dophit lo pusi pherangke amai along CEC Sunil Arora ningje.
2019 general election aphan kado kave 900 million atum vote kejok me do, electoral roll keklem asai nomination kejok kijutsi arni an doji pusi CEC Arora than. “Alangli kaningje thuke 2014 aningkan pen pangbar damlote 814.5 vote kejokme aphai pen non aphong 84.3 million aphai kekam do. Kilik ahut kenangsot kachepon nangji aloh voters guide thiklo, photo voter slip ke kapangthek aphan kali, seta isi tovar kapachini asonsi man po (Guidance). Vote kejokji aphan 10 lakh polling station semar po.
Non adihu ke VVPAT machine si en po. VVPAT device ke Electronic Voting Machines (EVM) cheraplok a printer lo. Komat aphansi nangli amen lapen song pen kithur dun abangphu aphan kipi ma, laso arjan a vote VVPAT devices along aloh (slip) nang cheklang po. EVM along keber pen VVPAT aloh chelakha po, lasonsi vote kejok aphai ta cheklang bom po.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives