ADVERTISEMENT

This area is available for advertisement. Please contact for details.

Arnivang
Get Adobe Flash player

Pini pen angthek kapaklang pangcheng lo

Kevangji Jangmi 6 arnisi lamrai pi thupo

imageStaff Reporter,
Diphu, Thekar, There 8:
Hamphang asong 24 atum pen bang kethom inglong aso kalidet MAC bang kethom aphuthak lamhoi kipi aphuthak pini District session court along hearing padolo.
Kedamtang arni aphong aphong hearing pado det aphi pini There 8 arnita hearing pado thu lo, laso ateng pini There 8 arni hearing kapado ahut angthek (evident) kelang asai pangcheng lo. seta pini lamhoi kipi atum along ajahak ahok aloh (original document) kave det ajoine akaprek arnisi hearing kapadoji aphan ponthu det lo.Assam sarkar Additional Advocate General tame cheklang lo. seta konatma kachari adim alongke cheklang longle, laso aphuthak khamkhe lo seta pini ke laso aphuthak thangnat lamrai pipe lang, lasi pini kapaklang evidence heihui lapen netum kekhamkhe alam heihui aphuthak kevangji Jangmi 6 arnisi lamrai pipo pusi Hamphang asong 24 atum kachenep a Advocate Manas Soronia than.
Lason lamhoi aphi-ong ding-ong asonsi thek long, laso alamhoi kipi ke komatne abangphu MAC kilik thurdet apot kali, bonta ladak ke inglong aso mate schedule tribe kalidet atum kilik chedan longle pu aron kapaselamji aphansi lamhoi kipi. Non kevangji MAC kilik ahut komatne aphan pathur dun longle mate pahai long pu aphan kali. Seta ladak schedule tribe kalidet atum kevangji arni anke kapathur longle detji aphansi keklem. Laso keklem ke chiklo ejon jonni tangdetji puke un-eh athe kedamtang 1951 pen non an ningkan 60-70 angbong ki-un eh asai ke chiklo jonni jonthom angbong tang un-eh. Ladak court atum amethang aron do halaso ateng pensi kado kave asai tame angthek klang po.
Court along kaprek kaprek angdeng do, laso ateng pen damsi non an ke evidence kapaklang angdeng an nangle lo. Laso aphi lamthama doji ansi court atum amethang alamrai piji.
Laso alamrai netum apharman kachelongji aphansi lamhoi pilo, seta jongsi netum akemang ateng netum apharman lamrai pipe det pulote high court anta dam nangkok po lapen jongsi high court alongta chokche pulote Supreme Court anta nang kok po puta Advocate Manas Soronia ningje.
Hamphang asong 24 atum kachenep a advocate Manas Soronia along Arkoi Ingti Kathar lapen Sarlongki Ingti atumsi cherap dun lo.
Pinpurme, Chandra Teron pensi Deopani MAC Mukut Mahanta, Pranjal Kro pensi Bokajan MAC Madhurjyo Dhekial Phukon lapen Dhan Dera pensi Kopili MAC Pawan Kr. Rai aphan lamhoi pilo. Laso atengsi Diphu District Session Court along kedamtang arni pen hearing pado bom lo. Laso ateng pini There 8 arni anke angthek (evident) kapaklang angdeng an lelo. Laso ateng prapjin pen lamhoi kijut pen court atum amethang alamrai kipiji anatthusi dam bom lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives