ADVERTISEMENT

This area is available for advertisement. Please contact for details.

Arnivang
Get Adobe Flash player

Langkaijan along aronre hem kachekim atum aphan nithom kechok katharle

Civil Bazar an katharle kapatang

imageStaff Reporter
Diphu, Thekar, There 8:
KAAC CEM Tuliram Ronghang kapinkhat ateng There niphai 2 arni pen Karbi Anglong alongle aronre pen kacherai atum aphan hem kepri pini There niphai 8 arni an nithom kechok.
Karbi Anglong Autonomous Council (KAAC) lapen Karbi Anglong District Administration atum charisi Langkaijan ahavar along aronre pen kaboha atum aphan katharle asai kedamtang There niphai 2 lapen 4 arni pado lo. Lason thotsi kedamtang There niphai 04 arni katharle un-eh adim Langkaijan angkang kedo Ambari lapen Civil Bazar along anta katharle damji aphan pale lo. Aronre pen kedo Ambari angkang anta katharle damji aphan kapale ahut haladak aronre kedo arat atum pen Hojai District lapen Karbi Anglong District ahoi angthek nangpaklang dak nangji pu hangsi tovar khangthip lo. Alanglitum longle akejoi dokok ajoine lapen longle aloh avepin pensi pusitame longle nang cherai lo, setame Karbi Anglong ahoi konat ansi kangton ma lale nangpaklang dak lo pulote cherui etji pusi sodak pen kehang kachesong pado lo. Aphi bangso alam aphuthak ahok kachiniji aphan Hojai District Administration anathu pen kachingvaiji aphan kevang ahut haladak kedo atum tovar kekhangthip ajoine malom aphan soluk sodak dokok lo.
Aphi Hojai District Adiministration anat  pen Addl. DC i/c Revenue Pankaj Deka, ACS, Addl. SP Sumon Chakraborty, ACS, Lanka Revenue Circle Office ARO Gorgon Mohan Das lapen Karbi Anglong District Administration anat pen Addl. DC Norsing Bey, ACS, SP Gaurav Upadhya, IPS, Phuloni Revenue Circle ARO Tarun Engti atum angbong penang an apor chingvai chingsai lo. Bangso ahut GPS pen konatsi ahok ahoi ma lang chari lo. Phuloni ARO saiphu atum pen map aloh along pen kapaklang ateng pulote pini Ambari lele ako kachington pen 1.5 km ansi Karbi Anglong ahoi do pusi paklanglo. Lasi kevangji arni ahok ahoi kapangthekji aphan chingvai ponpo pupensi Ambari anathu katharle dam asai ington koklo. Sonsi aphi Civil Bazar along an abangke kekim prek kulat amokha anke tharle tekangsi pini Langkaijan angkang aronre pen kaboha atum aphan katharle asai ington lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives