ADVERTISEMENT

This area is available for advertisement. Please contact for details.

Arnivang
Get Adobe Flash player

Ke-ongdung alamchak ateng CEM Ronghang kachepapleng

A Correspondent
imageDongkamukam, Thekar, There 8:
Ke-ongdung a lamchak CEM Tuliram Ronghang pen Dongkamukam rongsopi arat aphan kachechak ateng atumi There 7 arni long-eh somsi lamchak chepapleng lo.
SOPD of Urban Dev. Dept. pen kado kave hong 9 atur kethethektik a meh archok lapen 5th commission pen Dongkamukam town Hall along eh tongsekot pen som lo. Assam pen Minister Piyus Hazarika tame long-eh kesom a amai along chetong dunsi sai angdeng ardi pidun lo.
CEM Ronghang asangho pen pherangke aphan kapachini atengke Dongkamukam along Town Hall kavedet ajok ongdung akisung donanglo lasi non ke bangso a scheme kedeng pen kachingvai chingsaiji lapen ason ason asai angdeng kedengji aphan a kejoike dopo.
Alangli kaningje thu atengke Dongkamukam rongsopi along kechoklim a rongsopi kapacheman longji aphan kenangsot nai kekim kerang nangji ason amung doan klem pet po. Bangso rongsopi alir kipiji akengkam kachejor un ahut kebeng kephan kedo-an along rat atum karjap dun thip nangji ke kenangsot lo puta CEM Ronghang asangho pen pachini.
Mai along kachetong dun Minister Piyush Hazarika kejai ke, BJP ratpangri kachari ningkan hini vetlang tovar pen chenglok kaprek kaprek kachingthur asai kedeng chemitme pin ajok Guwahati pen Dongkamukam an nang kapale ta ghonta hini vet lo. CEM Tuliram Ronghang kejalin Karbi Anglong Autonomous Council pen penang an kapachingthur asai kado kave ta thek prong lo lake Diphu KASA pathu aklam, Dongkamukam Waisong pathu aklam, Diphu Arboretum Art & Crafts center lapen atok ano mate rongso rongbot kacheleng atovar pen danglok pen an a saideng lo.
Sanitary motor, handpush lapen dustbin heihui kachetong dun alohi atum arideng pen ron tekang. Karbi Anglong arlo long 9 town committee aphan 5th Assam state finance 2017-18 atangka pen ason ason keron anparta Diphu DTC aphan hum 8 a gari, Dongkmukam TC aphan hum ni, Bokajan TC aphan hum 4 Bakalia TC aphan 3, Dongkamukam TC aphan hum 3, Hamren TC aphan hum 4, Howraghat aphan hum 2, Laghin TC aphan hum 2, Baithalangso TC aphan hum 2 kado kave pangrumpet hum 30 ketar kevar-i a gari ron lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives