ADVERTISEMENT

This area is available for advertisement. Please contact for details.

Arnivang
Get Adobe Flash player

BJP pen kachedanji aphan ratchari asong do-an kachingrumji aphan choningri lo: HSDC

Staff Reporter,
Diphu, Thekar, There 8:
Lok Sabha kilik-2019 apor ateng kapadoji aphan India Election Commission pen sik dang bom lo. Kilik aphuthak birta aloh along solangdo arat atum kelongji angring dotang lo. BJP ratchari asong aphan kapakrepji pu akemang pen penang an ratchari asong atum kachingrum atemonta thetan do. India adet along BJP atum kachari kechokche apot alangli tum aphan parem vek nangpo pusi HSDC atumta matha parsik lo. Chingrum pet pen BJP asong atum aphan paremre pulote Karbi ason kheiso atum aphan ke pherememe lo. Karbi akhei kisung keboi pen kapajokji aphan kachesong achatai parjap lonang. Ahoi adui along kedobom keboidet arat atum apharman kachesong asai dengpi lonang, Autonomous State article 244(A) kapalongji aphan kachesong, Citizenship Amendment Bill-2016 kapavirji, BLT Accord Clause 8 kekhangji aphan kado kave chelangpet lonang puta HSDC atum choningri.
Karbi akhei apharman parliament along lam kachedan dun thekji, Karbi arat akemang alam parliament along kapale dun thekji abangphu aphan patheksi Karbi mate Karbi Anglong arat pen kachetoi dun inut abangphu parjap lonang. Laso aphan ratchari asong chipupe pin pen BJP pen kacheprek ratchari asong do-an, hamphang asong do-an, NGO, loh chari asong, okkarjang asong, dhorom asong lapen kethek kere arat, habe pinpo, sorkari sorkaman choki-chokam, chongdat-chotelo arat do-an atum aphan Hill State Demand Council (HSDC) atum pen choningri kachingki chethanji aphan tovar ingpu lo pusi HSDC tiri sankur chunbang Laichan Ingleng birta pachetak.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives