ADVERTISEMENT

This area is available for advertisement. Please contact for details.

Arnivang
Get Adobe Flash player

Lok Sabha kilik aphan Congress kachisik

A Correspondent
Diphu, Thekar, There 6:
BJP, AGP arat atum amethang asong che-ohsi atumi There 5 arni Indian National Congress along kachingbe dun.
There 5 arni Haflong Rajbhavan along kangni mass joining amai along HAD minister barim Khorsing Ingti pen Nehemayah Tyngkan atum chetong dun.
Tulsi Prasad Upadhyaya kachepahemphu amai along Dima Hasao District Congress Committee ameiphu Nirmal Langthasa mai kepha alamthe jai.
Kedamtang arni Congress che-ohsi kaprek-kaprek asong along kidunjui atum keho-kiphik chomat longsi  puthot Congress along chevan thulo.
Penang an ajabang atum puthot Congress along nang kachirui thu ajok song aphan jakong kapabat asonsi man lo. Laso ateng non kevangji MP kilik along Congress ajakong thepo lapen ongdung a vote pen haipo puta chethan. Athe la-an chot kali kevangji arnisi nini angbong la-an sose jabang atum puthot Congress along kachevang thuji dolang puta alohi atum mai along jai.
Kachingbe dun kachethang klong jabang atum ke- NCHAC a EM barim Mohendra Kemprai, AGP klembang mate EM barim Lal Joshua Biate, EM barim Latuansang Khawbung, Laisong constituency along kachethangklong abangphu Keseukang Riame (Nelson), Langting constituency a BJP Hemon Langthasa, AGP atum pen Ajit Hojai, Firaj Langthasa, Galakbe Newme, Baitendra Shrongphong, BJP district klembang Lalsiemlien Joute, BJP klembang John H. Thangsang Hrangte lapen Diyungmukh constituency along kachethang klong abangphu Kebaron Naiding henlo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives