ADVERTISEMENT

This area is available for advertisement. Please contact for details.

Arnivang
Get Adobe Flash player

District Administration atum patirpisi kilik MCC aphuthak cheroktok amai kangni

imageStaff Reporter,
Diphu, Thekar, There 6:
Lok Sabha kilik katebok bom apor ahut Karbi Anglong District Administration atumta chisik chedang pasik bom lo.
Kilik Model Code of Conduct ahut kopisi keklem nangji lapen kopisi keklem nangne kachethan chimumji aphan pusi Diphu Circuit House along cheroktok amai pangni. Laso amai along law & order ahin pen Adll. SP Adronil Baruah pen chenglok kaprek kaprek police asaiphu anparta kilik along arpu ketang kaprek kaprek asaiphu atum chetong dun.
Laso ahut District Administration atum ahin pen kilik Model Code of Conduct ahut kopisi keklem nangji lapen kopisi keklem nangne aphuthak klardak than pachini. Model Code of Conduct aphi lote madu a ratchari asong ajabang atumta red light a gari vek longle lo. La-an chot kali ratpangri ahem lapen hormu along flex lapen poster heihui pabon longle anparta kaprek kaprek keklem long lapen keklem longle alam heihui mai along chethansi mai ingsamjin pachekak lo.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives