ADVERTISEMENT

This area is available for advertisement. Please contact for details.

Arnivang
Get Adobe Flash player

Ni thom angbong ST Status deng nangpo: Akhil Gogoi

Staff Reporter
GUWAHATI, There 5:
Kachesong athon kaparover jabang Akhil Gogoi pen pini Sonowal kejalin BJP ratpangri aphan kipu ke, Assam along khei trok atum aphan ni thom angbong Schedule Tribe (ST) aman pachelong nangp po.
“Assam ratpangri pen khei trok atum aphan ST status deng nangpo. Laso Bill pen kacherap lok aphuthak chingvai chingsai et lo laso paderde pin pen pachok nangpo. Ratpangri pen arjap dun thip nangpo athema kevangji arni henlo kapadusi union cabinet mai kangniji,” pusi Gogoi ningje.
Alangli kapangdak thuke, “Laso a Bill kechak keder lo athema opposition pen Sarbananda Sonowal, Himanta Biswa Sarma, Hagrama Mohilary lapen Biswajit Daimary atum aphan kachetong kachetonte,”
Pinpur damme, kedamtang Thangthang 13 arni parliament Upper House Rajya Sabha alongsi ST bill pachingthang lok lo lasi dengde rek pulote der thu varet po.
Non ST kedo bom atum aphan koson lo pusi ratpangri aphan karju alangli arju.
Assam along non kedo bom inglong aso atum aphan thangnat ta pasungse pin pensi khei trok atum aphan ST aman pipo pusi Arkoi achiklo ahut Union Home Minister Rajnath Singh pangdak.
Khei trok atum ST status kaparlo lake, Koch Rajbongshi, Tai Ahom, Chutiya, Matak lapen Moran.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives