ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 6 hambi kapathu pini pen pangcheng lo

Staff Reporter,
Diphu, Thekar, There 5:
Karbi Anglong Autonomous Council kaparlo Cultural Affairs asaikam lapen Singhason KCS Zone atum patirpisi Borjan LP School adung Borjan pathu aklam along ingdeng 6 Hambi kapathu pini pen pangcheng lo.
Ingdeng 6 Hambi kapathu kecheng arni alohi sarpo aman KAAC Art & Culture a EM Rupsing Teron chetong dun. Mai along kachetong dun KAAC EM Amarsing Tisso arideng pensi 6 angdeng Hambi Kapathu a tournament pangpu lo.
Laso kapathu along Karbi Anglong adang kaprek-kaprek ahavar pen kado kave KCS Zone 16 chepate dun.
Laso kapathu along kachepate atum ephong jongsi kerem lote kerem (knock out) aron atengsi pathu lo. Pini kechengsi arni Langlokso, Tekelangjun, Dumra, Havarkehat, Den Arong, Eastern Karbi Anglong College, Jengkha, Hamren, Diphu-Manja lapen Biswanat KCS Zone atum kachepate remsi amethang aboha chedam nangkok lo.
Nihang Donsori, Borjan, Donka, Diphu Govt. College, Singhason lapen Phuloni KCS Zone atum haisi penap adunthu angdeng pathu po.
Diphu Manja lapen Biswanath KCS Zone atum ke quarter final mate second round alongsi rem dun det lo. Laso kapathu kachepate non kevangji There 7 arni adap porphai 11 aporsi angdung kiti pathuji.
Pini kangpu amai along kachetong dun alohi KAAC EM Rupsing Teron Amarsing Tisso atum Karbi Anglong arlo kapathu ahin la-an sose kapaprangji aphan aning parung tekang. La-an chot kali kapathu ke osomar rongro kijui asai kali, pathu pame nangji athe kapathu pen ajok methang kereng avarsai ta chelongji puta alangli jai.
Karbi Anglong arlo kapathu ahin la-an sose aprang kepon thekji aphan pu akemang pensi Karbi Anglong Autonomous Council a CEM Tuliram Ronghang bor-isi KASA Stadium pen chenglok Karbi Anglong arlo a constituency tin along ta pathu aklam paselam bom lo puta alanglitum jai.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives