ADVERTISEMENT

This area is available for advertisement. Please contact for details.

Arnivang
Get Adobe Flash player

2020 angbong nihang nirep ahavar ahempi an BG rail pacheklo lap po

PIB
GUWAHATI, There 4:
Kevangji 2020 aningkan angbong nihang nirep ahavar ahempi kedo-an ta BG Rail ahor pacheklo lap po pusi Guwahati along Assam Chapter pen IMPCC amai kangni ahutsi kacherai. Non hetjong Guwahati, Maligaon along North East Frontier Railway (Construction) pen kapangni Inter Media Publicity Coordination Committee (IMPCC) pen kedeng ahutsi Indian Railway akemang ”Vision Document” atengsi nihang nirep ahavar ahempi along an BG Rail pachetok dam lap po pusi North East Frontier Railway (Construction Wing) a general manager N.K Prasad ningje. Ministry of Information and Broadcasting, North East Zone a director general Kuldeep Singh Dhatwalia kachepahemphu amai along nihang nirep ahavar railway ahor kedon pachingthur po mate “Development of Railway Infrastructure in North East Zone” pu athepi ke-en ahutsi alangli kapajirmi dam. NF Railway pen keklem asaimo akemang, kapachok lapen klembom asai aphuthak klardak alam keho aphuthak alangli kejai ke, nihang nirep ahavar kacheleng avarsai kapajoikji aphan akemang pensi North East Frontier Railway sai kedeng ardi pilo.
NF Railway pen kapachini atengke, 2020 aningkan angbong BG ahor kapacheklo chot kali akaprek NF Railway pen kengkam kachejor kedeng ke, NF Railway angkang an MG pen BG ahor kelar, nihang nirep kacheleng apor panahokhe pin pen New Jalpaiguri pen Lumding an ahor hini kaselam kedeng, international kapachetok heihui kedeng. NF Railway pen pangrumpet 43 project kedeng angbong 14 project kikim-kerang pachok lo. Project kethom ke CCEA clearance aphan kanghong, project pli abang ke asaimo keklemji aphan sai deng bom lo.
Laso amai along NF Railway (construction) asaiphu atum laso ahavar state 8 along railway asai pen kacheraplok asai an kapachingthur kedengji aphan paklang. Lasonsi Assam pen Meghalaya angbong km 108 adak kahelo pachetokji ke Byrnihat-Shillong line henlo. Manipur along kapacheklo damji ke Jiribam pen Imphal an km 111 kahelo. Dolong kangtui kikim 141 m, jongsi Jiribam-Imphal akimi ahor kaselam kikim-kerang patang lo pulote rail adolong pirthe angbong kangtui an cheman po.
Nihang nirep ahavar railway pachingthursi det adangpi kaprek-kaprek adim along pachetok dam asai kedeng aphuthak NF Railway aphan Assam Chapter, IMPCC a chairman K.S Dhatwalia choro pajir.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives