ADVERTISEMENT

This area is available for advertisement. Please contact for details.

Arnivang
Get Adobe Flash player

There 9 arni ECI pen Lok Sabha kilik pangdak po

Staff Reporter
GUWAHATI, There 3:
Kevangji There 9 arni Election Commission of India (ECI) pen Lok Sabha kilik kapangdakji alam do.
Pulwama along klempar atum tengkheng alam laso lok sabha kilik arni kelarji alam kedamtang arui kachethang bonta lahai ke pachobai pen deng rong alam chot, lasi detpi along lok sabha kilik apor ateng pensi pathik po pusi Chief Election Commissioner Sunil Arora chepaklarsi pangdak.
Alangli kaningje thuke, commision along akimi kapachini alamke, angtan adet along ko-ansi khi dat kangcho alam kithur dun bangphu atum klardak nang piji nangji. “I-T asaikam aphansi laso kelang chariji aphan aphadeng pek lo, jongsi madu tame kelong do pulote Election Commission (EC) website along upload po lapen laso aphuthak sodak asai dengji,” puta CEC pachini.
Pinpurme, det adangpi pen long 1,63,331 polling centres do, non adihu ke VVPAT machines si en po.
VVPAT device ke Electronic Voting Machines (EVM) cheraplok a printer lo. Komat aphansi nangli amen lapen song pen kithur dun abangphu aphan kipi arjan a vote VVPAT devices along a slip nang cheklang po, EVM along keber pen VVPAT slip chelakha po lasonsi vote kejok aphai ta cheklang bom po.

Leave a Reply

Your email address will not be published. Required fields are marked *

March 2019
M T W T F S S
« Feb    
 123
45678910
11121314151617
18192021222324
25262728293031
Archives