ADVERTISEMENT

This area is available for advertisement. Please contact for details.

Arnivang
Get Adobe Flash player

Non pen ke Sika 3 alar sika 1 pensi sang ilin chonam longpo: Chairman Longki Timung

imageA correspondent,
Diphu, Thekar, There 2:
Pini There 2 arni Affordable Nutrition an Nourishment Assistant ANNA ilin Sika 1 asang kipi pini pen pangcheng lo.
Lason ahut Bokajan sub division angkang Hidipi LAMPS alongta Karbi Anglong Autonomous Council a Chairman Longki Timung arideng pen ingpusi kerong pangcheng lo.
Hidipi LAMPS Ltd. along pini ilin Sika 1 asang keron kapangcheng amai along KAAC Chairman Longki Timung kejai ke, kedamtang arni kado kave
atum sang ilin sika 25-30 ansi akejumnai chonam nang lo lapem LAMPS along tame Sika 3 anam pensi chonam nang lo. Seta non pen ke ilin Sika 1 vet pensi ilin asang chonam longpo.
Sah abiri along kachongdat sah katiki akhei, BJP ratpangri atum akejoi pen tangka lapen non sang sika isi ilin pachonam longlo puta alangli jai.
Lamthe jai det aphi Chairman Longki Timung arideng pen sang kipi pangcheng lo. Ilin Sika isi asang keron kapangcheng amai along Kadom Ingtipi, Rohila Kilingpi lapen Premika atum chodeng dun paprang lo. Kado kave pini bang sirkep atum aphan kechengsi arni ron lo. ‘
Mai along Hidipi LAMPS chunbang Daniel Hanse, chairman Semson Ingti, Kuligaon LAMPS chunbang Babu Ingti, Hidipi Bazaar Committee ameiphu Harlongbi Kathar, chunbang Chondro Tokbi lapen rap chunbang Tenson Kro atum chetong dun.

Leave a Reply

Your email address will not be published. Required fields are marked *

March 2019
M T W T F S S
« Feb   Apr »
 123
45678910
11121314151617
18192021222324
25262728293031
Archives